ഇടുക്കി:  അടിമാലി ശാന്തഗിരി മഹേശ്വര ക്ഷേത്രത്തിലെ ശിവരാത്രി മഹോത്സവം 18 മുതല്‍ 27 വരെ നടക്കുമെന്ന് ക്ഷേത്രം ഭാരവാഹികള്‍ അറിയിച്ചു. 18ന് വൈകിട്ട് 6നും 6.30നും ഇടയില്‍ ക്ഷേത്രം തന്ത്രി പൂത്തോട്ട ലാലന്‍, ക്ഷേത്രം മേല്‍ശാന്തി മഠത്തുംമുറി അജിത്ത് എന്നിവര്‍ മുഖ്യകാര്‍മികത്വം വഹിക്കും. ഉത്സവാഘോഷങ്ങള്‍ക്ക് മുന്നോടിയായി നോട്ടീസിന്റെ പ്രകാശനവും അന്നദാനപ്പുരയുടെ കാല്‍നാട്ട് കര്‍മവും നടന്നു. എല്ലാ ദിവസവും പതിവ് ക്ഷേത്ര പൂജകള്‍ക്ക് പുറമെ പ്രത്യേക പൂജാ ചടങ്ങുകളും ക്ഷേത്രത്തില്‍ നടക്കും. 24ന് വൈകിട്ട് ചാറ്റുപാറ മൂകാംബിക നഗറില്‍ നിന്ന് താലപ്പൊലിഘോഷയാത്ര ആരംഭിക്കും. 25ന് പള്ളിവേട്ട മഹോത്സവം നടക്കും. 26ന് മഹാശിവരാത്രി ആറാട്ട് മഹോത്സവം നടക്കും. 27ന് രാവിലെ പിതൃപൂജകളും പിത്യതര്‍പ്പണവും നടക്കുമെന്ന് പ്രസിഡന്റ് ദേവരാജന്‍, സെക്രട്ടറി അശോകന്‍, വൈസ് പ്രസിഡന്റ് കിഷോര്‍, പബ്ലിസിറ്റി ചെയര്‍മാന്‍ സന്തോഷ് മാധവന്‍ തുടങ്ങിയവര്‍ അറിയിച്ചു.