സുപ്രീം കോടതിയുടെ മൊബൈല്‍ ഈ സേവാ കേന്ദ്ര കട്ടപ്പനയില്‍
സുപ്രീം കോടതിയുടെ മൊബൈല്‍ ഈ സേവാ കേന്ദ്ര കട്ടപ്പനയില്‍
ഇടുക്കി: സുപ്രീം കോടതിയുടെ മൊബൈല്‍ ഈ സേവാ കേന്ദ്ര കട്ടപ്പനയിലെത്തി.
കട്ടപ്പന നഗരസഭ ഗ്രൗണ്ടിലെത്തിയ വാഹനം കാണുവാന്‍ നിരവധി പേരാണ് എത്തുന്നത്.
മൊബൈയില്‍ ഈ സേവാ കേന്ദ്ര എന്നത് ഇന്ത്യന്‍ സുപ്രീം കോടതിയുടെ ഈ കമ്മിറ്റി സ്‌പോണ്‍സര്‍ ചെയ്ത ഒരു പദ്ധതിയാണ്.ഈ യൂണിറ്റ് ഒരു മൊബൈല്‍ ഓഫീസായി പ്രവര്‍ത്തിക്കുന്നു. കോടതി സേവനങ്ങള്‍ ജനങ്ങളിലേക്ക് എത്തിക്കുക എന്ന ലക്ഷ്യത്തോടെ സജ്ജീകരിച്ച വാഹനമാണ് ഇത്. ജില്ലയില്‍ ആദ്യമായാണ് മൊബൈയില്‍ ഈ സേവാ കേന്ദ്രയുടെ സേവനം ലഭ്യമായത്. ആദ്യ ഘട്ടമായി പെറ്റിക്കേസുകളാണ് പരിഗണിച്ചത്.
വാഹനത്തില്‍ ഡ്രൈവറും ഒരു ടെക്‌നിക്കല്‍ സ്റ്റാഫുമാണ് ഉള്ളത്. അതാതു കോടതിയില്‍ നിന്നുള്ള ജഡ്ജിമാരാണ് പരാതികള്‍ പരിഗണിക്കുന്നത്. വാഹനത്തിനുള്ളില്‍ കമ്പ്യൂട്ടറുകള്‍, സ്‌കാനറുകള്‍, പ്രിന്ററുകള്‍, ഇന്റര്‍നെറ്റ്, എസി, സിസി ടിവി തുടങ്ങിയ ഡിജിറ്റല്‍ ഉപകരണങ്ങളും സജ്ജികരിച്ചിട്ടുണ്ട്. കോടതി പ്രക്രിയകള്‍, ഹിയറിംഗുകള്‍, ഡോക്യൂമെന്റ് ഫയലിംഗുകള്‍ എന്നിവയ്ക്കുള്ള നിര്‍ദ്ദേശങ്ങളും പിന്തുണയും ഈ സേവ കേന്ദ്ര നല്‍കും.
What's Your Reaction?
