.jpeg)
ജില്ലാ ജൂനിയര്‍ അത്‌ലറ്റിക് ചാമ്പ്യന്‍ഷിപ്പിന് നെടുങ്കണ്ടത്ത് തുടക്കം
ജില്ലാ ജൂനിയര്‍ അത്‌ലറ്റിക് ചാമ്പ്യന്‍ഷിപ്പിന് നെടുങ്കണ്ടത്ത് തുടക്കം
ഇടുക്കി: ജില്ലാ ജൂനിയര്‍ അത്‌ലറ്റിക് ചാമ്പ്യന്‍ഷിപ്പിന് നെടുങ്കണ്ടത്ത് തുടക്കമായി. ജില്ലാ അത്‌ലറ്റിക് അസോസിയേഷന്റെ നേതൃത്വത്തില്‍ നടക്കുന്ന ചാമ്പ്യന്‍ഷിപ്പിന്റെ ഉദ്ഘാടനം പഞ്ചായത്ത് പ്രസിഡന്റ് പ്രീമി ലാലിച്ചന്‍ നിര്‍വഹിച്ചു. ജില്ലാ പ്രസിഡന്റ് വിഡി എബ്രഹാം അധ്യക്ഷനായി. ജൂഡോ അസോസിയേഷന്‍ ജില്ലാ പ്രസിഡന്റ് എം.എന്‍. ഗോപി മുഖ്യപ്രഭാഷണം നടത്തി. പഞ്ചായത്ത് അംഗങ്ങളായ ബിന്ദു സഹദേവന്‍, എം.എസ്. മഹേശ്വരന്‍ മുന്‍ പഞ്ചായത്ത് പ്രസിഡന്റ് എം സുകുമാരന്‍ അത്‌ലറ്റിക്‌സ് അസോസിയേഷന്‍ ജില്ലാ സെക്രട്ടറി ഷിജോ കെ കെ, പി എസ് ഡോമിനിക്ക്, റൈസന്‍ ജോസഫ്, ജിറ്റോ മാത്യു, നാന്‍സി ജോസഫ്, ഷൈജു ചന്ദ്രശേഖര്‍ തുടങ്ങിയവര്‍ സംസാരിച്ചു. ഉദ്ഘാടന സമ്മേളനത്തില്‍ വച്ച് കായികരംഗത്ത് മികച്ച സംഭാവനകള്‍ നല്‍കിയ എം. സുകുമാന്‍, പി എസ് ഡോമിനിക് എന്നിവരെ പൊന്നാട അണിയിച്ച് ആദരിച്ചു. അത്‌ലറ്റുകളുടെ പ്രതിജ്ഞക്കു ശേഷം 5000 മീറ്റര്‍ ഓട്ടത്തോടെ മത്സരങ്ങള്‍ ആരംഭിച്ചു. തുടര്‍ന്ന് 100 മീറ്റര്‍ അടക്കമുള്ള മത്സരങ്ങള്‍ നടന്നു. ചൊവ്വാഴ്ച നടന്ന മത്സരങ്ങളില്‍ 50 ഇനങ്ങളിലായി 600 ഓളം കായിക താരങ്ങള്‍ പങ്കെടുത്തു . നാളെ വൈകുന്നേരത്തോടെ മത്സരങ്ങള്‍ സമാപിക്കും
What's Your Reaction?
