ഇടുക്കി: മനുഷ്യ വന്യജീവി സംഘര്‍ഷ ലഘൂകരണത്തിന്റെ ഭാഗമായി സംസ്ഥാന സര്‍ക്കാരും വനം വകുപ്പും ചേര്‍ന്ന് അയ്യപ്പന്‍കോവില്‍ റേഞ്ച് ഓഫീസിന് കീഴില്‍ ഹെല്‍പ്പ് ഡെസ്‌ക് പ്രവര്‍ത്തനം ആരംഭിച്ചു. 30 വരെയാണ്  ആദ്യ ഘട്ടം തീവ്രയജ്ഞ പരിപാടി നടക്കുന്നത്. മലയോര മേഖലയില്‍ സ്ഥിതി ചെയ്യുന്നതോ, വന്യജീവികളുടെ സാന്നിധ്യം ഉള്ളതോമായ എല്ലാ പഞ്ചായത്ത് ഓഫീസുകളിലും റെയിഞ്ച് ഓഫീസുകളിലുമാണ് വനം വകുപ്പിന്റെ ഹെല്‍പ്പ് ഡെസ്‌ക്കുകള്‍ സ്ഥാപിച്ചിരിക്കുകയാണ്.ഇത് മുഖേന പൊതുജനങ്ങള്‍ക്ക് പരാതികള്‍ പരാതിപ്പെട്ടിയില്‍ സമര്‍പ്പിക്കാം. അതിന്‍മേല്‍ ഫലപ്രദമായ പരിഹാരങ്ങള്‍ കണ്ടെത്തുകയാണ് പദ്ധതി കൊണ്ട് ലക്ഷ്യമിടുന്നത്. കട്ടപ്പന നഗരസഭ,  കാഞ്ചിയാര്‍, കാമാക്ഷി, ഉപ്പുതറ എന്നീ പഞ്ചായത്തുകളിലും കാഞ്ചിയാര്‍ ഫോറസ്റ്റ് ഓഫീസിലുമാണ് ഹെല്‍പ്പ് ഡെസ്‌ക് ആരംഭിച്ചിരിക്കുന്നത്.