സേനാപതി മാര് ബേസില് സ്കൂളിലെ എന്എസ്എസ് യൂണിറ്റ് മഹാസഭ നടത്തി
സേനാപതി മാര് ബേസില് സ്കൂളിലെ എന്എസ്എസ് യൂണിറ്റ് മഹാസഭ നടത്തി
ഇടുക്കി: സേനാപതി മാര് ബേസില് സ്കൂളിലെ എന്എസ്എസ് യൂണിറ്റ് മഹാസഭ നടത്തി. വിദ്യാര്ഥികളുടെ നേതൃത്വത്തില് നടന്ന മഹാസഭയില് സമീപ പഞ്ചായത്തുകളിലെ ജനപ്രതിനിധികളെയും ഭരണകര്ത്താക്കളെയും പങ്കെടിപ്പിച്ചു. സാമൂഹിക പ്രസക്തിയുള്ള സംവാദങ്ങള് കുട്ടികള്ക്ക് പുതുമയുള്ള അനുഭവമായെന്ന് അധ്യാപകരും രക്ഷിതാക്കളും പറഞ്ഞു. മുരിക്കുംതൊട്ടി സെന്റ് ജോര്ജ് പാരിഷ് ഹാളില് നടന്ന മഹാസഭയില് സേനാപതി പഞ്ചായത്ത് പ്രസിഡന്റ് അരുണ് അശോകന്, രാജകുമാരി പഞ്ചായത്ത് പ്രസിഡന്റ് എം ഈശ്വരന്, രണ്ട് പഞ്ചായത്തിലെയും ജനപ്രതിനിധികള്, കുടുംബശ്രീ പ്രവര്ത്തകര്, ആശാ വര്ക്കര്മാര്, രക്ഷിതാക്കള് എന്നിവര് പങ്കെടുത്തു. കുട്ടികളുടെ മഹാസഭയ്ക്ക് ശേഷം ഹെല്ത്ത് ഡിപ്പാര്ട്ട്മെന്റിന്റെ നേതൃത്വത്തില് വൈബ് 4 വെല്നെസ് ക്യാമ്പേയിന് പ്രോഗ്രാം സംഘടിപ്പിച്ചു. ആരോഗ്യ ബോധവത്ക്കരണ ക്ലാസുകള്, വാല്യൂ എഡ്യൂക്കേഷന് സെക്ഷനുകള്, ഫസ്റ്റ് എയ്ഡ് പരിശീലനം, ജീവിത നൈപുണി വികസന പ്രവര്ത്തനങ്ങള് എന്നിവ ക്യാമ്പേയിന്റെ ഭാഗമായി നടന്നു.
What's Your Reaction?
