ഇടുക്കി: എം.ജി.സര്‍വ്വകലാശാല ബിരുദ പരീക്ഷയില്‍ മൂന്നാം റാങ്കിന്റെ തിളക്കവുമായി കട്ടപ്പന ക്രൈസ്റ്റ് കോളേജ്. ബി.സി.എ. വിഭാഗം വിദ്യാര്‍ത്ഥിനിയായ ദേവനന്ദ രാജനാണ് മൂന്നാം റാങ്ക് കരസ്ഥമാക്കിയത്. സി.എം.ഐ. സഭയുടെ നേതൃത്വത്തില്‍ പുളിയന്മലയില്‍ പ്രവര്‍ത്തിക്കുന്ന ക്രൈസ്റ്റ് കോളേജിലെ ബി.സി.എ വിഭാഗം വിദ്യാര്‍ത്ഥിനിയായ ദേവനന്ദ രാജന്‍ വെള്ളയാംകുടി സ്വദേശിനിയും ഓഴാങ്കല്‍ പരേതനായ രാജന്റെയും അജിത രാജന്റെയും മകളാണ്. ക്രൈസ്റ്റ് കോളേജിന്റെ മാനേജര്‍ ഫാ. ജോസുകുട്ടി ഐക്കരപ്പറമ്പില്‍ സി.എം.ഐ, ഡയറക്ടര്‍ ഫാ. അനൂപ് തുരുത്തിമറ്റം സി.എം.ഐ, അഡ്മിനിട്രേറ്റര്‍ ഫാ. ചാണ്ടി കിഴക്കയില്‍ സി.എം.ഐ. എന്നിവര്‍ ദേവനന്ദയെ അനുമോദിച്ചു.