ഇടുക്കി: ഡിവൈഎഫ്‌ഐ കട്ടപ്പന ബ്ലോക്ക് കമ്മിറ്റിയുടെ ആഭിമുഖ്യത്തില്‍ ജോബി ജോണി അനുസ്മരണം നടത്തി. കട്ടപ്പന ഇ എം എസ് ഹാളില്‍ സംഘടിപ്പിച്ച പരിപാടി ഡിവൈഎഫ്‌ഐ ജില്ലാ പ്രസിഡന്റ് എസ് സുധീഷ് ഉദ്ഘാടനം ചെയ്തു. ഡിവൈഎഫ്‌ഐ ജില്ലാ കമ്മിറ്റിയംഗമായിരുന്ന ജോബി ജോണി എട്ട് വര്‍ഷം മുന്‍പ് പ്രകൃതിക്ഷോഭത്തിലാണ് മരണമടഞ്ഞത് .ഡിവൈഎഫ്‌ഐ ബ്ലോക്ക് പ്രസിഡന്റ് ജോബി എബ്രഹാം അധ്യക്ഷനായിരുന്നു. സിപിഐഎം ഏരിയ കമ്മിറ്റിയംഗം കെ പി സുമോദ്, ഡിവൈഎഫ്‌ഐ ജില്ലാ സെക്രട്ടറിയറ്റംഗം ഫൈസല്‍ ജാഫര്‍, എസ്എഫ്ഐ ജില്ലാ ജോയിന്റ് സെക്രട്ടറി അരുണ്‍ കുമാര്‍, അരുണ്‍ ജോസഫ്, ഫ്രഡി മാത്യു, എന്‍ കെ അനീഷ്, അജോ സെബാസ്റ്റ്യന്‍ തുടങ്ങിയവര്‍ സംസാരിച്ചു.