ഇടുക്കി:  നേര്യമംഗലത്തിനുസമീപം മണിയമ്പാറയിൽ കെഎസ്ആർടിസി ബസ് നിയന്ത്രണംവിട്ട് താഴ്ചയിലേക്ക് തെന്നി നീങ്ങി 14 വയസുകാരി മരിച്ചു. ഇടുക്കി കീരിത്തോട് സ്വദേശിനി അനീറ്റ ബെന്നിയാണ് മരിച്ചത്. 18 പേർക്ക് പരിക്കേറ്റു. കട്ടപ്പനയിൽനിന്ന് എറണാകുളത്തേക്ക് പുറപ്പെട്ട ബസാണ് ചൊവ്വാഴ്ച രാവിലെ 11ന് അപകടത്തിൽപെട്ടത്. ഡിവൈഡറിൽ കയറിയാണ് ബസ് അപകടത്തിൽപെട്ടത്. പുറത്തേയ്ക്ക് തെറിച്ചുവീണ അനീറ്റ ബസിന്റെ അടിയിൽപെടുകയായിരുന്നു. ഉടൻ പുറത്തെടുത്ത് ആശുപ്രതിയിൽ എത്തിച്ചെങ്കിലും രക്ഷിക്കാനായില്ല. നാട്ടുകാരുടെ നേതൃത്വത്തിലാണ് രക്ഷാപ്രവർത്തനം നടത്തിയത്.