നെടുങ്കണ്ടത്ത് ജി എസ് ടി വകുപ്പിന്റെ ക്വാര്‍ട്ടേഴ്‌സുകള്‍ ഉപയോഗിക്കാതെ നശിക്കുന്നതായി പരാതി
നെടുങ്കണ്ടത്ത് ജി എസ് ടി വകുപ്പിന്റെ ക്വാര്‍ട്ടേഴ്‌സുകള്‍ ഉപയോഗിക്കാതെ നശിക്കുന്നതായി പരാതി
ഇടുക്കി: നെടുങ്കണ്ടത്ത് ജി എസ് ടി വകുപ്പിന്റെ ക്വാര്‍ട്ടേഴ്‌സുകള്‍ ഉപയോഗിക്കാതെ നശിക്കുന്നതായി പരാതി. കോടികള്‍ മുടക്കി നിര്‍മിച്ച കെട്ടിടങ്ങളിലാണ് വര്‍ഷങ്ങളായി താമസക്കാര്‍ ഇല്ലാത്തത്. നെടുങ്കണ്ടം താലൂക്ക് ആശുപത്രിക്ക് സമീപമാണ് ജി എസ് ടി വകുപ്പിന്റെ ക്വാര്‍ട്ടേഴ്‌സുകള്‍ സ്ഥിതി ചെയ്യുന്നത്. കിടപ്പുമുറി, അടുക്കള, ഹാള്‍, ശുചിമുറി തുടങ്ങിയ സൗകാര്യങ്ങള്‍ ഉള്ള 15 ഓളം ക്വാര്‍ട്ടേഷ്‌സുകള്‍ ഉണ്ട്. എന്നാല്‍ ഇവയില്‍ ഏതാനും കെട്ടിടങ്ങളില്‍ മാത്രമാണ് താമസകാരുള്ളത്. ചില കെട്ടിടങ്ങളുടെ ജനല്‍ ചില്ലുകളും ടൈലുകളും തകര്‍ന്നു. മീറ്റര്‍ ബോര്‍ഡുകളില്‍ കിളികള്‍ കൂട് കൂട്ടി.
താമസക്കാര്‍ ആരും ഇല്ലെങ്കിലും കെട്ടിടത്തിന്റെ കോണ്‍ക്രീറ്റിങ്ങിലെ ചോര്‍ച്ച തടയാന്‍ കോണ്‍ക്രീറ്റിംഗിന് മുകളില്‍ ലക്ഷങ്ങള്‍ മുടക്കി ഷീറ്റും മേഞ്ഞിട്ടുണ്ട്. വാണിജ്യ നികുതി വകുപ്പ് ജിഎസ് ടി വകുപ്പായി മാറിയപ്പോള്‍ ജീവനക്കാരുടെ എണ്ണത്തില്‍ കാര്യമായ കുറവുണ്ടായിട്ടുണ്ട്. ഇതാണ് ക്വാര്‍ട്ടേഴ്‌സുകള്‍ കാലിയായി കിടക്കാനുള്ള കാരണം. ക്വര്‍ട്ടേഴ്‌സുകള്‍ മറ്റ് വകുപ്പുകള്‍ക് വിട്ടു കൊടുക്കാനും നടപടിയില്ല
What's Your Reaction?
