സൗജന്യ മെഡിക്കല്‍ ക്യാമ്പ് സംഘടിപ്പിച്ചു
സൗജന്യ മെഡിക്കല്‍ ക്യാമ്പ് സംഘടിപ്പിച്ചു
ഇടുക്കി: കട്ടപ്പനയില്‍ സെന്റ് ജോണ്‍സ് ആശുപത്രി, വൈഎംസിഎ, പവര്‍ ഇന്‍ ജീസസ് ചര്‍ച്ച് തുടങ്ങിയവയുടെ സംയുക്താഭിമുഖ്യത്തില്‍ സൗജന്യ മെഡിക്കല്‍ ക്യാമ്പ് സംഘടിപ്പിച്ചു. നഗരസഭയിലെ പൊതുജനങ്ങള്‍ക്കും അതിഥി തൊഴിലാളികള്‍ക്കുമായാണ് സൗജന്യ മെഡിക്കല്‍ ക്യാമ്പ് നടത്തിയത്.
സെന്റ് ജോണ്‍സ് ആശുപത്രി ഡയറക്ടര്‍ ബ്രദര്‍ ബൈജു വാലുപറമ്പില്‍ ക്യാമ്പ് ഉദ്ഘാടനം ചെയ്തു. പള്ളിക്കവല സിഎസ്‌ഐ ഗാര്‍ഡനിലെ വൈഎംസിഎ ഹാളില്‍ നടന്ന ക്യാമ്പില്‍ വൈഎംസിഎ പ്രസിഡന്റ് രജിറ്റ് ജോര്‍ജ് അധ്യക്ഷനായി. ജനറല്‍ മെഡിസിന്‍, ഇ.എന്‍.ടി, ത്വക്ക് രോഗം, ഗൈനക്കോളജി തുടങ്ങിയ വിഭാഗങ്ങളില്‍ വിദഗ്ധ ഡോക്ടര്‍മാരുടെ സേവനമാണ് ലഭ്യമാക്കിയത്. രക്തസമ്മര്‍ദം, പ്രമേഹം തുടങ്ങിയ പരിശോധനകള്‍ സൗജന്യമായി നടത്തി . ക്യാമ്പില്‍ പങ്കെടുത്തവരില്‍ ആവശ്യമുള്ളവര്‍ക്ക് കുറഞ്ഞനിരക്കില്‍ തുടര്‍ചികിത്സ സെന്റ് ജോണ്‍സ് ആശുപത്രിയില്‍ നല്‍കി. വൈഎംസിഎയുടെ 180-ാമത് വാര്‍ഷികത്തിന്റെയും കട്ടപ്പന വൈഎംസിഎയുടെ 45-ാമത് വാര്‍ഷികത്തിന്റെയും ഭാഗമായാണ് ക്യാമ്പ് സംഘടിപ്പിച്ചത്. വൈഎംസിഎ സംസ്ഥാന വിദ്യാഭ്യാസ ബോര്‍ഡ് ചെയര്‍മാന്‍ ജോര്‍ജ് ജേക്കബ്, പവര്‍ ഇന്‍ ജീസസ് ചര്‍ച്ച് പാസ്റ്റര്‍ വിന്‍സെന്റ് തോമസ്, വൈഎംസിഎ സെക്രട്ടറി കെ ജെ ജോസഫ്, പ്രോഗ്രാം കണ്‍വീനര്‍ ലാല്‍ പീറ്റര്‍ പി ജി, ട്രഷറര്‍ യു സി തോമസ് തുടങ്ങിയവര്‍ സംസാരിച്ചു. ജോസഫ് യു സി, റോജന്‍ ഈപ്പന്‍, ജോര്‍ജി മാത്യു, ജോസ് വര്‍ഗീസ് തുടങ്ങിയവര്‍ നേത്യത്വം നല്‍കി.
What's Your Reaction?
