നരിയമ്പാറ മന്നം മെമ്മോറിയല്‍ ഹൈസ്‌കൂള്‍ കിരണം ഗ്രാമശാക്തീകരണ പദ്ധതി ഉദ്ഘാടനം
നരിയമ്പാറ മന്നം മെമ്മോറിയല്‍ ഹൈസ്‌കൂള്‍ കിരണം ഗ്രാമശാക്തീകരണ പദ്ധതി ഉദ്ഘാടനം
ഇടുക്കി: നരിയമ്പാറ മന്നം മെമ്മോറിയല്‍ ഹൈസ്‌കൂള്‍ പ്ലാറ്റിനം ജൂബിലിയോടനുബന്ധിച്ചുള്ള കിരണം ഗ്രാമശാക്തീകരണ പദ്ധതി കാഞ്ചിയാര്‍ പഞ്ചായത്ത് വൈസ് പ്രസിഡന്റ് വിജയകുമാരി ജയകുമാര്‍ ഉദ്ഘാടനം ചെയ്തു. ഗ്രാമീണ സാഹിത്യ കൂട്ടായ്മ കാഞ്ചിയാര്‍ രാജനും ഗ്രാമീണ ഗ്രന്ഥശാല കൂട്ടായ്മ കേരള സാഹിത്യ അക്കാദമി അംഗം മോബിന്‍ മോഹനും ഉദ്ഘാടനം ചെയ്തു. യോഗത്തില്‍ മോബിന്‍ മോഹനെ ആദരിച്ചു. സാഹിത്യ കൂട്ടായ്മയുടെ ഭാഗമായി പങ്കെടുത്ത സാഹിത്യകാരന്മാര്‍ സ്‌കൂള്‍ ലൈബ്രറിയിലേയ്ക്ക് നല്‍കിയ പുസ്തകങ്ങള്‍ അനിതാ ശേഖര്‍ എസ് എസ്, ടി.എസ് ഗിരീഷ് കുമാര്‍, അരുണ്‍കുമാര്‍ദാസ് ബി , പി കെ തനുജാ റാണി, എ.കെ ബിനു, മെര്‍ലിന്‍ കുര്യന്‍ അനിത കെ.ആര്‍ എന്നിവര്‍ ചേര്‍ന്ന് ഏറ്റുവാങ്ങി. ഒരു ചിരി ഇരുചിരി പ്രതിഭകളായ നന്ദന കെ ആര്‍, ആദര്‍ശ് പ്രമോദ് എന്നിവര്‍ക്ക് പഞ്ചായത്തംഗം സന്ധ്യാ ജയന്‍ സമ്മാനങ്ങള്‍ നല്‍കി. ആരോഗ്യ സാന്ത്വന പദ്ധതികള്‍, കാരുണ്യ സ്പര്‍ശം, രക്തദാന ഡയറക്ടറി രൂപീകരണം, പൂര്‍വ വിദ്യാര്‍ഥികളുടെ അനുഭവങ്ങള്‍ പങ്കുവയ്ക്കല്‍ എന്നിവ പരിപാടിയുടെ ഭാഗമായി നടന്നു. പിടിഎ വൈസ് പ്രസിഡന്റ് ബിനു സി.പി അധ്യക്ഷനായി. പ്രോഗ്രാം കോ- ഓര്‍ഡിനേറ്റര്‍ ജോര്‍ജ് ജേക്കബ് ആമുഖപ്രഭാഷണം നടത്തി, എഴുത്തുകാരായ മിനി മോഹനന്‍, സല്‍മ ശ്യാം, ഹെഡ്മിസ്ട്രസ് എന്‍ ബിന്ദു, പി.കെ. തനൂജാ റാണി, ഷുഹൈബ് മുള്ളന്‍കുഴി, ജോയിച്ചന്‍ കാടന്‍കാവില്‍, സി.ഡി. റെജി, പ്രമോദ് പി.പി, അനിത സത്യശീലന്‍, ജെയിംസ് പി ജോസഫ് എന്നിവര്‍ സംസാരിച്ചു
What's Your Reaction?
