മൂന്നാറില് തെരുവ് നായ ആക്രമണം രൂക്ഷം: എഐവൈഎഫ് മൂന്നാര് പഞ്ചായത്ത് ഓഫീസില് പടിക്കല് ധര്ണ നടത്തി
മൂന്നാറില് തെരുവ് നായ ആക്രമണം രൂക്ഷം: എഐവൈഎഫ് മൂന്നാര് പഞ്ചായത്ത് ഓഫീസില് പടിക്കല് ധര്ണ നടത്തി

ഇടുക്കി: മൂന്നാറില് തെരുവ് നായ ആക്രമണം രൂക്ഷമാകുമ്പോഴും പഞ്ചായത്ത് നടപടി സ്വീകരിക്കുന്നില്ലെന്ന് ആരോപിച്ച് എഐവൈഎഫ് മൂന്നാര് പഞ്ചായത്ത് ഓഫീസില് പടിക്കല് ധര്ണ നടത്തി. സിപിഐ സംസ്ഥാന കൗസിലംഗം എം വൈ ഔസേപ്പ് ഉദ്ഘാടനം ചെയ്തു.
കഴിഞ്ഞ രണ്ടാഴ്ച്ചക്കിടെ പത്തിലേറെ പേര്ക്കാണ് മൂന്നാറില് തെരുവുനായയുടെ കടിയേറ്റത്. വിനോദ സഞ്ചാരികള് ഏറെയെത്തുന്ന മൂന്നാര് ടാക്സി സ്റ്റാന്ഡില് കഴിഞ്ഞ ദിവസം സഞ്ചാരികളെ തെരുവുനായ ആക്രമിച്ചു. എസ്റ്റേറ്റ് മേഖലകളില് ജോലിക്കുപോയ തൊഴിലാളികള്ക്കും കടിയേറ്റു. ഇതിനിടെ മൂന്നാറില് നാട്ടുകാരെ കടിച്ച തെരുവുനായ ചത്തതും നാട്ടുകാര്ക്കിടയില് ആശങ്കയിലായി. പ്രകടനമായെത്തിയ പ്രവര്ത്തകരെ പൊലീസ് കവാടത്തില് തടഞ്ഞു. ധര്ണയില് എഐവൈഫ് മണ്ഡലം പ്രസിഡന്റ് തമിഴരശന് അധ്യക്ഷനായി. സിപിഐ ദേവികുളം മണ്ഡലം സെക്രട്ടറി അഡ്വ. ചന്ദ്രപാല്, എ രാജ, എസ്എം കുമാര്, ടിഎം മുരുകന്, ടി ഗണേഷന്, സന്തോഷ്, ഭവ്യ കണ്ണന്, ശുഭ തുടങ്ങിയവര് പങ്കെടുത്തു.
What's Your Reaction?






