ശാന്തന്‍പാറയില്‍ ബസില്‍ നിന്ന് വീണ് വയോധികന്‍ മരിച്ചു
ശാന്തന്‍പാറയില്‍ ബസില്‍ നിന്ന് വീണ് വയോധികന്‍ മരിച്ചു
ഇടുക്കി: ശാന്തന്‍പാറ ചൂണ്ടലില്‍ ബസില്‍ നിന്ന് വീണ് വയോധികന്‍ മരിച്ചു. ചൂണ്ടല്‍ സ്വദേശി സെല്‍വരാജ് (64) ആണ് മരിച്ചത്. വെള്ളിയാഴ്ച രാവിലെ 11.30 നാണ് അപകടം. പൂപ്പാറയില്‍ നിന്ന് സ്വകാര്യ ബസില്‍ കയറിയ സെല്‍വരാജ് ചൂണ്ടലിലെത്തിയപ്പോള്‍ ബസില്‍ നിന്ന് ഇറങ്ങുന്നതിനിടെ റോഡിലേക്ക് വീഴുകയായിരുന്നു. വീഴ്ച്ചയില്‍ തലക്ക് ഗുരുതരമായി പരിക്കേറ്റ ഇയാളെ രാജകുമാരിയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
പോസ്റ്റ്മാര്‍ട്ടത്തിനായി മൃതദേഹം അടിമാലി താലൂക്ക് ആശുപത്രിയിലേക്ക് മാറ്റി. ശാന്തന്‍പാറ പഞ്ചായത്തംഗം ഉമാമഹേശ്വരിയുടെ പിതാവാണ് സെല്‍വരാജ.്
What's Your Reaction?
