ഇടുക്കി: ഞങ്ങള്‍ക്ക് വേണം ജോലി, ഞങ്ങള്‍ക്ക് വേണം മതനിരപേക്ഷ ഇന്ത്യ' എന്ന മുദ്രാവാക്യമുയര്‍ത്തി ഡിവൈഎഫ്ഐ ജില്ലയിലെ ബ്ലോക്ക് കേന്ദ്രങ്ങളില്‍ സമരസംഗമം സംഘടിപ്പിച്ചു. കട്ടപ്പന ബ്ലോക്ക് കമ്മിറ്റിയുടെ പരിപാടി കെഎസ്‌കെടിയു ജില്ലാ സെക്രട്ടറി എം ജെ മാത്യു ഉദ്ഘാടനം ചെയ്തു. ബ്ലോക്ക് പ്രസിഡന്റ് ജോബി എബ്രഹാം അധ്യക്ഷനായി. ബ്ലോക്ക് സെക്രട്ടറി ഫൈസല്‍ ജാഫര്‍, നിയാസ് അബു, അജോ സെബാസ്റ്റ്യന്‍, എസ് കണ്ണന്‍, വി സി സരുണ്‍, അരുണ്‍ ജോസഫ് എന്നിവര്‍ സംസാരിച്ചു. ഇടുക്കിക്കവലയില്‍നിന്ന് ആരംഭിച്ച പ്രകടനത്തില്‍ നിരവധിപേര്‍ പങ്കെടുത്തു.