ഇടുക്കി: കട്ടപ്പന നഗരസഭയിലെ കുന്തളംപാറ ജനകീയ ആരോഗ്യ കേന്ദ്രത്തിന്റെ ശോച്യാവസ്ഥ പരിഹരിക്കണമെന്ന് ആവശ്യപ്പെട്ട് ബിജെപി രംഗത്ത്. കെട്ടിടം കാലപ്പഴക്കത്താല്‍ ജീര്‍ണാവസ്ഥയിലാണ്. പ്രദേശത്തെ വിവിധ വാര്‍ഡുകളിലെ ആളുകള്‍ ആശ്രയിക്കുന്ന പ്രധാന ആരോഗ്യ കേന്ദ്രമാണിത്. കെട്ടിടത്തിന്റെ മേല്‍ക്കൂരയിലെ വാര്‍ക്ക പൊളിഞ്ഞ് കമ്പി തെളിഞ്ഞുനില്‍ക്കുകയാണ്. കൂടാതെ വിവിധ ഭാഗങ്ങളില്‍ വിള്ളലും വീണിട്ടുണ്ട്. ഇതോടൊപ്പം ഇതിന്റെ പരിസരപ്രദേശങ്ങളും വൃത്തിയായി സൂക്ഷിക്കേണ്ടതുണ്ട്. കെട്ടിടത്തില്‍ അറ്റകുറ്റപ്പണികള്‍ നടത്തി അടിസ്ഥാന സൗകര്യങ്ങള്‍ വര്‍ധിപ്പിക്കാന്‍ നഗരസഭ നടപടി സ്വീകരിക്കണമെന്നാണ് ബിജെപി പ്രവര്‍ത്തകരുടെ ആവശ്യം.