ഇടുക്കി: ശബരിമല സ്വര്‍ണക്കൊള്ള നടത്തിയ മുഴുവന്‍ പ്രതികളെയും അറസ്റ്റ് ചെയ്യണമെന്നും ദേവസ്വം  മന്ത്രി രാജി വയ്ക്കണമെന്നുമാവശ്യപ്പെട്ട് കോണ്‍ഗ്രസ് ഇരുപതേക്കറില്‍ പ്രതിഷേധ ജ്വാല തെളിച്ചു. ബ്ലോക്ക് ജനറല്‍ സെക്രട്ടറി ഷാജി വെള്ളംമാക്കല്‍ ഉദ്ഘാടനം ചെയ്തു. ലോകമെമ്പാടുമുള്ള അയ്യപ്പഭക്തരുടെ നെഞ്ചിനുള്ളില്‍ തീരാവേദനയുമായാണ് പുതിയ മണ്ഡലകാലം ആരംഭിക്കുന്നത്.
ശബരിമലയില്‍ സ്വര്‍ണം മാത്രമല്ല കാലങ്ങളായി കാത്തുസൂക്ഷിക്കുന്ന വിശ്വാസവും ആചാരങ്ങളും കൂടെയാണ് പിണറായി ഭരണത്തില്‍ നഷ്ടപ്പെട്ടതെന്നും എത്ര അയ്യപ്പ സംഗമങ്ങള്‍ നടത്തിയാലും അയ്യപ്പ ശാപത്തില്‍നിന്ന് രക്ഷപ്പെടാന്‍ പിണറായിക്കും കൂട്ടാളികള്‍ക്കും കഴിയില്ലെന്നും നേതാക്കള്‍  പറഞ്ഞു. വാര്‍ഡ് പ്രസിഡന്റ് ബെന്നി അല്ലേഷ് അധ്യക്ഷനായി. ബിജു പൊന്നോലി, സണ്ണി കോലോത്ത്, ജോണി വടക്കേക്കര, അരുണ്‍കുമാര്‍ കാപ്പുകാട്ടില്‍, ഷിബു പുത്തന്‍പുര, ജിജി ചേലക്കാട്ട്, കെ എസ് സജീവ്, ബേബി വടയാറ്റ്, പാപ്പച്ചന്‍ അമ്പാട്ട് എന്നിവര്‍ പങ്കെടുത്തു.