കഴിഞ്ഞ രാത്രിയിലുണ്ടായ ശക്തമായ ഇടിമിന്നലേറ്റ് വീടിന്റെ വയറിങ്ങുകൾ കത്തി നശിച്ചു.  കാമാക്ഷി പഞ്ചായത്ത് അമ്പലമേട് തെയ്‌ല ഫാക്ടറിക്ക് സമീപം താമസക്കാരനായ കാലാപ്പറമ്പിൽ ജോസിന്റെ വീട്ടിലെ വയറിങ്ങാണ് കത്തി നശിച്ചത്. അപകടത്തിൽ ആർക്കും പരിക്കില്ല . രാത്രി രണ്ടു മണിയോടുകൂടിയാണ് കടുത്ത ഇടിമിന്നൽ ഉണ്ടാകുന്നത്. വീടിനു സമീപത്തെ വൈദ്യുത പോസ്റ്റിൽ ഇടിമിന്നുകയും തുടർന്ന് ഇവരുടെ വീട്ടിലേക്കുള്ള സർവീസ് ഉൾപ്പെടെ കത്തി നശിക്കുകയായിരുന്നു. അപകടസമയത്ത് കുടുംബാംഗങ്ങൾ ഉറക്കത്തിലായിരുന്നു. മേഖലയിൽ കനത്ത മഴയും ഇടിമിന്നലും ആണ് കഴിഞ്ഞ രാത്രിയിൽ ഉണ്ടായത്. കെഎസ്ഇബി ഉദ്യോഗസ്ഥർ എത്തി സ്ഥിതിഗതികൾ പരിശോധിച്ചു.