നരിയമ്പാറ സെന്റ് മേരീസ് ഓര്ത്തഡോക്സ് പള്ളിയില് മൂന്നിന്മേല് കുര്ബാന നടത്തി
നരിയമ്പാറ സെന്റ് മേരീസ് ഓര്ത്തഡോക്സ് പള്ളിയില് മൂന്നിന്മേല് കുര്ബാന നടത്തി
ഇടുക്കി: കട്ടപ്പന നരിയമ്പാറ സെന്റ് മേരീസ് ഓര്ത്തഡോക്സ് പള്ളിയില് വലിയ പെരുന്നാളിന്റെ ഭാഗമായി വിശുദ്ധ മൂന്നിന്മേല് കുര്ബാന നടന്നു. ഫാ. ഷിബു ടോം വര്ഗീസ് മുഖ്യകാര്മികത്വം വഹിച്ചു. ഡിസംബര് 28 ഞായറാഴ്ച ഇടവക വികാരി ഫാ. കുര്യാക്കോസ് വാലയില് കൊടിയേറ്റിയതോടെയാണ് പെരുന്നാളിന് തുടക്കമായത്. തുടര്ന്നുള്ള ദിവസങ്ങളില് പ്രഭാത നമസ്കാരം, വിശുദ്ധ കുര്ബാന, പിതൃസ്മൃതി, ആദ്യഫല ശേഖരണം, സന്ധ്യാ നമസ്കാരം എന്നിവ നടന്നു. മധ്യസ്ഥ പ്രാര്ഥന, പെരുന്നാള് സന്ദേശം, പള്ളിക്ക് ചുറ്റുമുള്ള പ്രദക്ഷിണം, ആശിര്വാദം, നേര്ച്ചവിളമ്പ്, ആദ്യഫല ലേലം എന്നിവയും പെരുനാള് ദിനം നടന്നു. ഇടവക വികാരി ഫാ. കുര്യാക്കോസ് വാലയില്, കൈസ്ഥാനി സാബു വി മാത്യു വാഴപ്പറമ്പില്, സെക്രട്ടറി ഷൈന് സ്കറിയ നെടുവേലില് എന്നിവര് നേതൃത്വം നല്കി. ജനുവരി 4ന് വിശുദ്ധ കുര്ബാനയ്ക്കും ആത്മീയ സംഘടനകളുടെ വാര്ഷികത്തിനും ശേഷം പെരുന്നാള് സമാപിക്കും.
What's Your Reaction?
