സംസ്ഥാന ടെക്‌നിക്കല്‍ സ്‌കൂള്‍ ശാസ്‌ത്രോത്സവത്തിന് അടിമാലി ഗവ. ഹൈസ്‌കൂളില്‍ തുടക്കമായി. വെള്ളിയാഴ്ച രാവിലെ 10ന് ഉന്നത വിദ്യാഭ്യാസ മന്ത്രി ഡോ. ആര്‍ ബിന്ദു മേള ഉദ്ഘാടനം ചെയ്യും. അഡ്വ. എ രാജ എംഎല്‍എ അധ്യക്ഷത വഹിക്കും. ജലവിഭവ വകുപ്പ് മന്ത്രി റോഷി അഗസ്റ്റിന്‍

പ്രദര്‍ശന സ്റ്റാളുകള്‍ ഉദ്ഘാടനം ചെയ്യും. ജില്ലയില്‍ ആദ്യമായാണ് ടെക്‌നിക്കല്‍ ശാസ്‌ത്രോത്സവം സംഘടിപ്പിക്കുന്നത്. 14 ജില്ലകളിലെ 39 ടെക്‌നിക്കല്‍ സ്‌കൂളുകളില്‍ നിന്നും ഐഎച്ച്ആര്‍ഡിയുടെ 9 ടെക്‌നിക്കല്‍ ഹയര്‍ സെക്കന്‍ഡറി സ്‌കൂളുകളില്‍ നിന്നുമായി ആയിരത്തിലേറെ വിദ്യാര്‍ഥികള്‍ പങ്കെടുക്കും.സമാപന സമ്മേളനം ശനിയാഴ്ച ഉച്ചകഴിഞ്ഞ് മൂന്നിന് മന്ത്രി ശ്രീ റോഷി അഗസ്റ്റിന്‍ ഉദ്ഘാടനം ചെയ്യും.