ഇടുക്കി: വാഴവര ശ്രീനാരായണ ഗുരുദേവ ക്ഷേത്രത്തിലെ പ്രതിഷ്ഠാ വാര്‍ഷികവും സുവര്‍ണ ജൂബിലി ആഘോഷവും സ്മാരക മന്ദിര സമര്‍പ്പണവും ഉത്സവവും 11, 12, 13 തീയതികളില്‍ നടക്കും. 11ന് രാവിലെ 6ന് നടതുറക്കല്‍, 6.30ന് അഷ്ടദ്രവ്യസമേത മഹാഗണപതി ഹവനം, 7.30ന് ഗുരുപൂജ, 8.10ന് ശാഖ പ്രസിഡന്റ് രജീഷ് ടി ആര്‍ പതാക ഉയര്‍ത്തും, 1ന് പ്രസാദമൂട്ട്, 3ന് കലവറ നിറയ്ക്കല്‍, 4ന് സുവര്‍ണ ജൂബിലി സ്മാരക മന്ദിര സമര്‍പ്പണ സമ്മേളനം എസ്എന്‍ഡിപി യോഗം മലനാട് യൂണിയന്‍ പ്രസിഡന്റ് ബിജു മാധവന്‍ ഉദ്ഘാടനം ചെയ്യും. യൂണിയന്‍ സെക്രട്ടറി വിനോദ് ഉത്തമന്‍ അധ്യക്ഷനാകും. ക്ഷേത്രം തന്ത്രി സുരേഷ് ശ്രീധരന്‍ അനുഗ്രഹ പ്രഭാഷണം നടത്തും. യൂണിയന്‍ വൈസ് പ്രസിഡന്റ് വിധു എ സോമന്‍ മുഖ്യപ്രഭാഷണം നടത്തും. 6ന് സമൂഹപ്രാര്‍ഥന, 6.30ന് ദീപാരാധന, 9ന് അന്നദാനം.

12ന് രാവിലെ 6ന് നടതുറക്കല്‍, 6.30ന് അഷ്ടദ്രവ്യസമേത മഹാഗണപതി ഹവനം, 9ന് മൃത്യുഞ്ജയ ഹോമം, 10.30ന് കലശം, 1ന് പ്രസാദമൂട്ട്, 4ന് മഹാസുദര്‍ശന ഹോമം, 6.30ന് സമൂഹ പ്രാര്‍ഥന, 7.15ന് കുടുംബയോഗങ്ങളുടെ കലാസന്ധ്യ, 9ന് അന്നദാനം. 13ന് 5.45ന് നടതുറക്കല്‍, 6.15ന് അഷ്ടദ്രവ്യസമേത മഹാഗണപതി ഹവനം, 8ന് ഗുരുദേവ കൃതികളുടെ പാരായണം, 10ന് കലശപൂജ, 10.45ന് കലശാഭിഷേകം, 11ന് ഗുരുപൂജ, 1ന് പ്രസാദമൂട്ട്, 6ന് ശ്രീനാരായണ കാണിക്കമണ്ഡപത്തില്‍ നിന്ന് താലപ്പൊലി ഘോഷയാത്ര, 6.30ന് ദീപാരാധന, 7ന് പൂമൂടല്‍, 7.15ന് കലാസന്ധ്യ, 7.30ന് മംഗളപൂജ. വാര്‍ത്താസമ്മേളനത്തില്‍ രജീഷ് ടി ആര്‍, രഞ്ജിത് കുഴിയാനപ്പള്ളിയില്‍, വി വി ബിനീഷ്, കെ ആര്‍ ഷാജി, വി വി അനീഷ്, ടി ജെ വിജയന്‍ എന്നിവര്‍ പങ്കെടുത്തു.