ഇടുക്കി: ചപ്പാത്ത് കട്ടപ്പന റോഡില്‍ ആലടി ഭാഗത്ത് പഴയ കല്‍ക്കെട്ട് ഇടിഞ്ഞ് റോഡ് അപകടാവസ്ഥയിലായതിനാല്‍ ഇനി ഒരു അറിയിപ്പുണ്ടാകുന്നത് വരെ ചപ്പാത്ത് - കട്ടപ്പന റൂട്ടില്‍ ആലടി മുതല്‍ പരപ്പ് വരെ ഗതാഗതം പൂര്‍ണമായി നിരോധിച്ചിരിക്കുന്നു. ഏലപ്പാറ, വാഗമണ്‍, പാല, കോട്ടയം ഭാഗത്തേക്ക് യാത്ര ചെയ്യുന്ന വാഹനങ്ങള്‍ പരപ്പില്‍ നിന്നും വലത്തേക്ക് തിരിഞ്ഞു ഉപ്പുതറ, ചീന്തലാര്‍ വഴിയും കുട്ടിക്കാനം - ഏലപ്പാറ - ചപ്പാത്ത് വഴി കട്ടപ്പനയിലേക്ക് യാത്രചെയ്യുന്ന വാഹനങ്ങള്‍ ആലടിയില്‍ നിന്ന് വലത്തേക്ക് തിരിഞ്ഞു മേരികുളത്തേക്കും പോകേണ്ടതാണ് എന്ന് അറിയിക്കുന്നു.