കട്ടപ്പന ഗവ. ട്രൈബല്‍ സ്‌കൂള്‍ പരിസരത്തെ മരം അനുവാദമില്ലാതെ മുറിച്ച് കടത്തിയതായി പരാതി
കട്ടപ്പന ഗവ. ട്രൈബല്‍ സ്‌കൂള്‍ പരിസരത്തെ മരം അനുവാദമില്ലാതെ മുറിച്ച് കടത്തിയതായി പരാതി
ഇടുക്കി: കട്ടപ്പന ഗവ. ട്രൈബല്‍ സ്‌കൂള്‍ പരിസരത്ത് നിന്ന മരം അനുവാദമില്ലാതെ മുറിച്ച് കടത്തിയതിനെതിരെ നഗരസഭ സ്റ്റാന്‍ഡിംങ് കമ്മിറ്റിയും സ്‌കൂള്‍ പിടിഎയും രംഗത്ത്. അപകട ഭീഷണിയുയര്‍ത്തി നില്‍ക്കുന്ന മരത്തിന്റെ ശിഖരങ്ങള്‍ വെട്ടിമാറ്റാന്‍ നഗരസഭ അനുമതി നല്‍കിയിരുന്നു. എന്നാല്‍ കരാറുകാരന്‍ അനുമതി നല്‍കാത്ത പല മരങ്ങളും വെട്ടിമാറ്റിയെന്നാണ് ഉയരുന്ന പരാതി. നഗരസഭയേയും സ്‌കൂള്‍ അധികൃതരെയും അറിയിക്കാതെയാണ് വര്‍ഷങ്ങള്‍ പഴക്കമുള്ള മാവ് സഹിതം വെട്ടിമാറ്റിയിരിക്കുന്നതെന്നും കുറ്റക്കാര്‍ക്കെതിരെ കര്‍ശന നടപടി സ്വീകരിക്കണമെന്നുമാണ് പിടിഎയുടെ ആവശ്യം. അനുവാദമില്ലാതെ കടന്നു കയറി മരങ്ങള്‍ മുറിച്ച് മാറ്റിയതിനെതിരെയും മറ്റ് നാശനഷ്ടം വരുത്തിയതിനെതിരെയും സ്‌കൂള്‍ അധികൃതര്‍ കട്ടപ്പന പൊലീസില്‍ പരാതി നല്‍കി.
What's Your Reaction?
