കേരളോത്സവം: ഇരട്ടയാര്‍ പഞ്ചായത്തില്‍ സ്വാഗതസംഘം രൂപീകരിച്ചു
കേരളോത്സവം: ഇരട്ടയാര്‍ പഞ്ചായത്തില്‍ സ്വാഗതസംഘം രൂപീകരിച്ചു
ഇടുക്കി: ഇരട്ടയാര്‍ പഞ്ചായത്ത് കേരളോത്സവത്തോടനുബന്ധിച്ച് സംഘാടക സമിതി രൂപീകരിച്ചു. പഞ്ചായത്ത് പ്രസിഡന്റ് ആനന്ദ് സുനില്‍കുമാര്‍ അധ്യക്ഷനായി. നവംബര്‍ 29, 30, ഡിസംബര്‍ ഒന്ന് തീയതികളിലായാണ് കേരളോത്സവം സംഘടിപ്പികുന്നത്. കേരളസംസ്ഥാന യുവജന ക്ഷേമബോര്‍ഡിന്റെയും ഇരട്ടയാര്‍ പഞ്ചായത്തിന്റെയും വിവിധ യൂത്ത് ക്ലബ്ബുകളുടെയും സഹകരണത്തോടെയാണ് കേരളോത്സവം വിപുലമായി നടത്താന്‍ തീരുമാനിച്ചത്. ഫുട്‌ബോള്‍, ക്രിക്കറ്റ്, ഷട്ടില്‍, വോളി ബോള്‍, ചെസ്, കലാമത്സരങ്ങള്‍, അത്‌ലറ്റിക് മത്സരങ്ങള്‍, കബഡി, പഞ്ചഗുസ്തി, വടംവലി, തെങ്ങ് കയറ്റം, നീലം ഉഴുത് മറിക്കല്‍, മൈലാഞ്ചി ഇടീല്‍ എന്നീ മത്സരങ്ങളാണ് നടക്കുന്നത്. പഞ്ചായത്ത് വൈസ് പ്രസിഡന്റ് രജനി സജി, പഞ്ചായത്തംഗങ്ങളായ ജയ്‌നമ്മ ബേബി, ജോസുകുട്ടി അരീപറമ്പില്‍, ജോസ് തച്ചാപറമ്പില്‍. സിനി മാത്യു, സിഡിഎസ് ചെയര്‍പേഴ്‌സണ്‍ സനില ഷാജി, പഞ്ചായത്ത് സെക്രട്ടറി ഡി. ധനേഷ്, കലാ-രാഷ്ട്രീയ പ്രവര്‍ത്തകര്‍ തുടങ്ങിയവര്‍ പങ്കെടുത്തു.
What's Your Reaction?
