റെയിന്‍ ഇന്റര്‍നാഷണല്‍ നേച്ചര്‍ ഫിലിം ഫെസ്റ്റിവല്‍ ഡിസംബര്‍ 4,5 തീയതികളില്‍ കട്ടപ്പനയില്‍
റെയിന്‍ ഇന്റര്‍നാഷണല്‍ നേച്ചര്‍ ഫിലിം ഫെസ്റ്റിവല്‍ ഡിസംബര്‍ 4,5 തീയതികളില്‍ കട്ടപ്പനയില്‍
ഇടുക്കി: ആറാമത് റെയിന്‍ ഇന്റര്‍നാഷണല്‍ നേച്ചര്‍ ഫിലിം ഫെസ്റ്റിവലിന്റെ ഒരുക്കങ്ങള്‍ പൂര്‍ത്തിയായതായി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. റോട്ടറി ക്ലബ് ഓഫ് കട്ടപ്പന ഹെറിറ്റേജും ബേര്‍ഡ്സ് ക്ലബ് ഇന്റര്‍നാഷണലും, മഹാത്മാഗാന്ധി സര്‍വകലാശാലയിലെ നാഷണല്‍ സര്‍വീസ് സ്‌കീമും ചേര്‍ന്നാണ് ഫിലിം ഫെസ്റ്റിവല്‍ നടത്തുന്നത്. ഡിസംബര്‍ 4ന് രാവിലെ 10ന് കട്ടപ്പന മിനി സ്റ്റേഡിയത്തില്‍ എം. ജി. സര്‍വകലാശാല വൈസ് ചാന്‍സലര്‍ പ്രോഫ. ഡോ അരവിന്ദകുമാര്‍ ഫെസ്റ്റിവല്‍ ഉദ്ഘാടനം ചെയ്യും. സമ്മേളനത്തില്‍ പ്രശസ്ത നടനും തിരകഥാകൃത്തും സംവിധായകനുമായ രണ്‍ജി പണിക്കര്‍ സംഗീത സംവിധായകന്‍ ജാസി ഗിഫ്റ്റ്, നടന്‍മാരായ ടിനി ടോം, കൈലാസ് എന്നിവര്‍ പങ്കെടുക്കും. ഫെസ്റ്റിവെല്‍ ഡയറക്ടര്‍ സംവിധായകന്‍ ജയരാജ് ചലച്ചിത്രമേളയുടെ സന്ദേശം നല്‍കും. തുടര്‍ന്ന് ഇന്റര്‍നാഷണല്‍ കോമ്പറ്റീഷന്‍ വിഭാഗത്തില്‍ നിന്നുള്ള ഡോക്യുമെന്ററി ചിത്രം പ്രദര്‍ശിപ്പിക്കും. ഫീച്ചര്‍, ഡോക്യുമെന്ററി, ഷോര്‍ട്ട്ഫിലിം എന്നീ വിഭാഗങ്ങളിലായി 20 രാജ്യങ്ങളില്‍ നിന്നുള്ള ചിത്രങ്ങള്‍ മത്സരിക്കുന്ന ഇന്റര്‍നാഷണല്‍ വിഭാഗത്തില്‍ ജൂറി ചെയര്‍മാന്‍ പ്രശസ്ത സംവിധായകന്‍ കവിയൂര്‍ ശിവപ്രസാദാണ്. പ്രശസ്ത ചലച്ചിത്ര പ്രവര്‍ത്തകരായ ഖാലിദ് അലി, ബിജയ ജെന, ഫാബ്ലോ ബൗലോ, എന്നിവര്‍ ജൂറി അംഗ
ങ്ങളായിരിക്കും. കട്ടപ്പന സന്തോഷ് തീയേറ്റര്‍, ഓസ്റ്റാനം ഇംഗ്ലീഷ് മീഡിയം സ്‌കൂള്‍, കട്ടപ്പന നഗരസഭ മിനി സ്റ്റേഡിയം, എന്നീ 3 വേദികളിലായിട്ടാണ് ഫെസ്റ്റിവല്‍ നടക്കുന്നത്. വാര്‍ത്താ സമ്മേളനത്തില്‍ സംവിധായകന്‍ ജയരാജ്, റോട്ടറി കട്ടപ്പന ഹെറിറ്റേജ് പ്രസിഡന്റ് ജിതിന്‍ കൊല്ലംകുടിയില്‍
സംവിധായകന്‍ പ്രദീപ് എം നായര്‍, ഡോ. സോമശേഖരന്‍, സന്തോഷ് ദേവസ്യ, സജിദാസ് മോഹനന്‍,
സിജോ എവറസ്റ്റ്, സിജു ചക്കുംമൂട്ടില്‍, നന്ദന്‍ മേനോന്‍ തുടങ്ങിയവര്‍ പങ്കെടുത്തു. ഫിലിം ഫെസ്റ്റ് വലിന്റെ ബുക്ക് ലറ്റ് പ്രസ് ക്ലബ് പ്രസിഡന്റ് എം.ഡി വിപിന്‍ദാസ്, സെക്രട്ടറി സിറിള്‍ ലൂക്കോസ്, ട്രഷറര്‍ ബെന്നി കളപ്പുരക്കല്‍ എന്നിവര്‍ക്ക് സംവിധായകന്‍ ജയരാജ് ആദ്യ വിതരണം നടത്തി.
What's Your Reaction?
