ഇടുക്കി: ബട്ടര്‍ഫ്‌ളൈ ഇന്റര്‍നാഷണല്‍ കട്ടപ്പന ഫെസ്റ്റിന്  തുടക്കമായി. നഗരസഭ വൈസ് ചെയര്‍മാന്‍ അഡ്വ. കെ.ജെ ബെന്നി ഉദ്ഘാടനം ചെയ്തു. രാജ്യാന്തര എക്‌സ്‌പോയിലും രാജ്യത്തെ തിരഞ്ഞെടുത്ത ടൗണുകളിലും മാത്രം പ്രദര്‍ശിപ്പിച്ചുവരുന്ന അണ്ടര്‍വാട്ടര്‍ ടണല്‍ എക്‌സോ, 8000 ചതുരശ്ര അടി ഗ്ലാസ് തുരങ്കത്തില്‍ തീര്‍ത്ത കടലിനടിയിലെ വിസ്മയ കാഴ്ചകള്‍, മത്സ്യകന്യക, പെറ്റ് ഷോ, അമ്യൂസ്മെന്റ് റൈഡ്, ഡോഗ് ഷോ, ചില്‍ഡ്രന്‍സ് പാര്‍ക്ക്, വ്യാപാര വിപണന പ്രദര്‍ശന മേള, ഭക്ഷണശാല, ഫാമിലി ഗെയിംസുകള്‍ എന്നിവ ആസ്വദിക്കാം. ഗാനമേളയും, നാടന്‍പാട്ട്, വിവിധ കലാപരിപാടികള്‍, കരോള്‍ മത്സരം, കവിയരങ്ങ്, ട്രോബോക്‌സിങ് ചാമ്പ്യന്‍ഷിപ്പ് എന്നിവയും ഫെസ്റ്റിന്റെ ഭാഗമായി ഉണ്ടാകും.