ഇടുക്കി: അഗസ്ത്യാര്‍കൂടം സീസണ്‍ ട്രക്കിങിന്റെ രജിസ്ട്രേഷന്‍ ആരംഭിച്ചു.
ജനുവരി 20മുതല്‍ ഫെബ്രുവരി 22വരെയാണ് ട്രക്കിങ് നടക്കുന്നത്.  വനംവകുപ്പിന്റെ www.forest.kerala.gov.in എന്ന വെബ്‌സൈറ്റില്‍ serviceonline.gov.in/trekking എന്ന ലിങ്കില്‍ ഓണ്‍ലൈനായി രജിസ്റ്റര്‍ ചെയ്ത് ടിക്കറ്റ് ബുക്ക് ചെയ്യാം. സന്ദര്‍ശകരുടെ സൗകര്യാര്‍ഥം ബുക്കിങ് മൂന്ന് ഘട്ടങ്ങളായാണ് ക്രമീകരിച്ചിരിക്കുന്നത്. ജനുവരി 8ന് 20മുതല്‍ 31വരെയുള്ള ട്രക്കിങ്ങിനും ജനുവരി 21ന് ഫെബ്രുവരി 1മുതല്‍ 10വരെയുള്ള ട്രക്കിങ്ങിനും ഫെബ്രുവരി 3ന് 11മുതല്‍ 22വരെയുള്ള ട്രക്കിങ്ങിനും ബുക്ക് ചെയ്യാം. രാവിലെ 11 മുതല്‍ അക്ഷയകേന്ദ്രങ്ങള്‍ മുഖേനയും പൊതുജനങ്ങള്‍ക്ക് ഓണ്‍ലൈനായി ബുക്ക് ചെയ്യാം. ട്രക്കിങ്ങില്‍ പങ്കെടുക്കുന്നവരുടെ തിരിച്ചറിയല്‍ കാര്‍ഡ് നമ്പര്‍ അപേക്ഷയില്‍ ഉള്‍പ്പെടുത്തണം. വെബ്‌സൈറ്റില്‍ ഉള്‍പ്പെടുത്തിയ മാര്‍ഗനിര്‍ദേശങ്ങള്‍ സന്ദര്‍ശകര്‍ കര്‍ശനമായും പാലിക്കണം.