വെള്ളത്തൂവല്‍ ചെറുകിട ജലവൈദ്യുതി പദ്ധതിയുടെ ചെക്ക് ഡാമിലെ ചെളിയും മണലും നീക്കം ചെയ്യാന്‍ നടപടിയില്ല
വെള്ളത്തൂവല്‍ ചെറുകിട ജലവൈദ്യുതി പദ്ധതിയുടെ ചെക്ക് ഡാമിലെ ചെളിയും മണലും നീക്കം ചെയ്യാന്‍ നടപടിയില്ല
ഇടുക്കി: വെള്ളത്തൂവലിലെ ചെറുകിട ജലവൈദ്യുതി പദ്ധതിയുടെ ചെക്ക് ഡാമിലെ ചെളിയും മണലും നീക്കം ചെയ്യുന്ന കാര്യത്തില്‍ തീരുമാനമില്ല. വെള്ളത്തൂവല്‍ പാലത്തിന് താഴെ മുതിരപുഴയാറിന് കുറുകെയാണ് വൈദ്യുതി ബോര്‍ഡ് ചെക്ക് ഡാം നിര്‍മിച്ചിട്ടുള്ളത്. ചെങ്കുളം വൈദ്യുതി പവര്‍ഹൗസില്‍നിന്ന് പുറത്തുവിടുന്ന ജലവും മുതിരപ്പുഴയാറിലെ ജലവും ഉപയോഗിച്ച് വൈദ്യുതി ഉല്‍പാദിപ്പിക്കാന്‍ ലക്ഷ്യമിട്ടാണ് ചെക്ക് ഡാം നിര്‍മിച്ചത്. മണലും ചെളിയും നീക്കി ചെക്ക് ഡാമിന്റെ സംഭരണ ശേഷി വര്‍ധിപ്പിക്കുന്ന നടപടി നീളുന്നുവെന്നാണ് ആക്ഷേപം. 2018ലെ പ്രളയത്തെത്തുടര്‍ന്നാണ് ഡാമില്‍ മണലും ചെളിയും നിറഞ്ഞത്. ജില്ലാ ദുരന്തനിവാരണ അതോററ്റി മണല്‍ നീക്കുന്നുള്ള ഇടപെടല്‍ നടത്തിയിരുന്നു. പക്ഷെ തുടര്‍ന്നുള്ള പ്രവര്‍ത്തനങ്ങള്‍ ചില ആക്ഷേപങ്ങള്‍ക്ക് വഴിയൊരുക്കിയതോടെ അനുമതി മരവിപ്പിച്ചു. മണലും ചെളിയും നീക്കി പദ്ധതിയുടെ പ്രവര്‍ത്തനം കാര്യക്ഷമമാക്കണമെന്നാണ് ആവശ്യം.
What's Your Reaction?
