വണ്ടിപ്പെരിയാറില്‍ വനിതാകലോത്സവം നടത്തി
വണ്ടിപ്പെരിയാറില്‍ വനിതാകലോത്സവം നടത്തി
ഇടുക്കി: വണ്ടിപ്പെരിയാര്‍ ഐസിഡിഎസിന്റെ നേതൃത്വത്തില്‍ വനിതാകലോത്സവം നിറവ്-2025 സംഘടിപ്പിച്ചു. അഴുത ബ്ലോക്ക് വൈസ് പ്രസിഡന്റ് ആര്‍ സെല്‍വത്തായി ഉദ്ഘാടനം ചെയ്തു. അന്താരാഷ്ട്ര വനിതാ ദിനത്തിന് മുന്നോടിയായി ഐസിഡിഎസിന്റെ കീഴിലുള്ള അങ്കണവാടികളിലെ ഹെല്‍പ്പര്‍മാരെ ഉള്‍പ്പെടുത്തിയാണ് കലോത്സവം സംഘടിപ്പിച്ചത്. പഞ്ചായത്ത് പ്രസിഡന്റ് കെ എം ഉഷ അധ്യക്ഷയായി. അഴുത ബ്ലോക്ക് അംഗവും മുന്‍ പ്രസിഡന്റുമായ പി എം നൗഷാദ് മുഖ്യപ്രഭാഷണം നടത്തി. ഐസിഡിഎസ് സൂപ്പര്‍വൈസര്‍ ശ്രീദേവി എന്‍ ആര്‍, ആരോഗ്യകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ കെ ഡി അജിത്ത്, വൈസ് പ്രസിഡന്റ് ശ്രീരാമന്‍ എം, വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഷീല കുളത്തിങ്കല്‍, ഐസിഡിഎസ് സൂപ്പര്‍വൈസര്‍ പ്രവീണ ബി എന്നിവര്‍ സംസാരിച്ചു. പഞ്ചായത്തിന്റെ വിവിധ മേഖലകളില്‍നിന്ന് 80-ലേറെ വനിതകള്‍ പങ്കെടുത്തു.
What's Your Reaction?
