.jpeg)
കട്ടപ്പന പബ്ലിക് ലൈബ്രറിയില്‍ രണ്ടാമൂഴത്തെ ആസ്പദമാക്കി സെമിനാര്‍ നടത്തി
കട്ടപ്പന പബ്ലിക് ലൈബ്രറിയില്‍ രണ്ടാമൂഴത്തെ ആസ്പദമാക്കി സെമിനാര്‍ നടത്തി
ഇടുക്കി: കട്ടപ്പന പബ്ലിക് ലൈബ്രറിയില്‍ എംടി വാസുദേവന്‍ നായരുടെ രണ്ടാമൂഴം എന്ന സാഹിത്യ കൃതിയെ അടിസ്ഥാനമാക്കി സെമിനാറും സംവാദവും നടന്നു. ഇടുക്കി താലൂക്ക് ലൈബ്രറി കൗണ്‍സില്‍ പ്രസിഡന്റ് സിബി പാറപ്പായി ഉദ്ഘാടനം ചെയ്തു. മഹാഭാരത കഥ ആസ്പദമാക്കി രചിച്ച ഈ നോവലില്‍ ഭീമനാണ് കേന്ദ്രകഥാപാത്രം. അഞ്ചുമക്കളില്‍ രണ്ടാമനായ ഭീമന് എല്ലായ്‌പ്പോഴും അര്‍ജ്ജുനനോ യുധിഷ്ഠിരനോ കഴിഞ്ഞ് രണ്ടാമൂഴമേ ലഭിക്കുന്നുള്ളൂ. പാഞ്ചാലിയുടെ കാര്യത്തിലും ഇത് തുടരുന്നു. ഇതാണ് പേരിനു പിന്നില്‍. 1985 ലെ വയലാര്‍ അവാര്‍ഡ് നേടിയ നോവലാണ് രണ്ടാമൂഴം. ലൈബ്രറി പ്രസിഡന്റ് ജോയ് ആനിത്തോട്ടം അധ്യക്ഷനായി. പ്രശസ്ത സാഹിത്യകാരന്‍ മോബിന്‍ മോഹനന്‍ വിഷയം അവതരിപ്പിച്ചു. തുടര്‍ന്ന് വിഷയത്തെ ആസ്പദമാക്കിയുള്ള ചര്‍ച്ചകളും നടന്നു. യോഗത്തില്‍ ദീര്‍ഘകാലം കട്ടപ്പന പബ്ലിക് ലൈബ്രറിയുടെ വിവിധ സ്ഥാനങ്ങള്‍ വഹിക്കുകയും താലൂക്ക് ലൈബ്രറി കൗണ്‍സില്‍ പ്രസിഡന്റായി സേവനമനുഷ്ഠിച്ച പിജെ വര്‍ക്കി പൂത്തറയെ ആദരിച്ചു.
What's Your Reaction?
