.jpeg)
അടിമാലി പഞ്ചായത്തില്‍ വിശപ്പുരഹിത പദ്ധതി ആരംഭിച്ചു
അടിമാലി പഞ്ചായത്തില്‍ വിശപ്പുരഹിത പദ്ധതി ആരംഭിച്ചു
ഇടുക്കി: അടിമാലി പഞ്ചായത്തില്‍ വിശപ്പുരഹിത പദ്ധതിക്ക് തുടക്കമായി. പദ്ധതിയുടെ ഉദ്ഘാടനം അടിമാലി ബ്ലോക്ക് പഞ്ചായത്ത് പ്രസിഡന്റ് സോമന്‍ ചെല്ലപ്പന്‍ പഞ്ചായത്ത് പ്രസിഡന്റ് സൗമ്യ അനില്‍ എന്നിവര്‍ ചേര്‍ന്ന് നിര്‍വഹിച്ചു. ഇതിന്റെ ഭാഗമായി അടിമാലി താലൂക്കാശുപത്രി പരിസരത്ത് സൗജന്യ ഫുഡ് കൗണ്ടര്‍ സ്ഥാപിച്ചു. 2024-2025 വാര്‍ഷിക പദ്ധതിയില്‍ ഉള്‍പ്പെടുത്തിയാണ് പദ്ധതി ആരംഭിച്ചത്. പൊതുജനങ്ങളുടെ സഹകരണമുണ്ടാകണമെന്ന് പഞ്ചായത്തധികൃതര്‍ പറഞ്ഞു. വേഗത്തില്‍ കേടാകാത്തതും അഴുകാത്തതുമായ ഭക്ഷണ പദാര്‍ഥങ്ങള്‍ പൊതുജനങ്ങള്‍ക്ക് സൗജന്യ ഫുഡ് കൗണ്ടറില്‍ എത്തിച്ച് അര്‍ഹരായവര്‍ക്ക് ലഭ്യമാക്കാവുന്നതാണ്. പഞ്ചായത്ത് വൈസ് പ്രസിഡന്റ് അനസ് ഇബ്രാഹിം അധ്യക്ഷനായി. പഞ്ചായത്തംഗങ്ങള്‍, ഉദ്യോഗസ്ഥ പ്രതിനിധികള്‍, താലൂക്കാശുപത്രി അധികൃതര്‍, പൊതുപ്രവര്‍ത്തകര്‍ എന്നിവര്‍ പങ്കെടുത്തു.
What's Your Reaction?
