മൂന്നാര്‍ പഞ്ചായത്ത് പ്രസിഡന്റിന്റെ രാജി: സെക്രട്ടറിയും അസിസ്റ്റന്റ് സെക്രട്ടറിയും നിയമവിരുദ്ധമായി പ്രവര്‍ത്തിച്ചുവെന്ന് കോണ്‍ഗ്രസ്
മൂന്നാര്‍ പഞ്ചായത്ത് പ്രസിഡന്റിന്റെ രാജി: സെക്രട്ടറിയും അസിസ്റ്റന്റ് സെക്രട്ടറിയും നിയമവിരുദ്ധമായി പ്രവര്‍ത്തിച്ചുവെന്ന് കോണ്‍ഗ്രസ്
ഇടുക്കി: മൂന്നാര്‍ പഞ്ചായത്ത് പ്രസിഡന്റിന്റെ രാജി വിവാദത്തില്‍ സെക്രട്ടറിയും അസിസ്റ്റന്റ് സെക്രട്ടറിയും നിയമവിരുദ്ധമായി പ്രവര്‍ത്തിച്ചുവെന്ന ആരോപണവുമായി കോണ്‍ഗ്രസ് രംഗത്ത്. തന്റെ മുമ്പില്‍ വച്ച് രാജിക്കത്തില്‍ ഒപ്പിടണമെന്ന കാര്യം മറച്ചുവച്ചാണ് സെക്രട്ടറി രാജി സ്വീകരിച്ചതായുള്ള രസീത് നല്‍കിയതെന്നും വൈകിട്ട് 6ന് രാജിക്കത്തില്‍ താന്‍ ഒപ്പിട്ടിട്ടില്ലെന്നുളള പ്രസിഡന്റിന്റെ പരാതി സെക്രട്ടറി സ്വീകരിച്ചതെന്നുമാണ് കോണ്‍ഗ്രസിന്റെ ആരോപണം. പ്രസിഡന്റിന്റെ രാജി സംബന്ധിച്ച് വിധി എതിരാണെങ്കില്‍ തെളിവുകള്‍ സഹിതം കോടതിയെ സമീപിക്കുമെന്നും നേതാക്കള്‍ വ്യക്തമാക്കി. വാര്‍ത്താസമ്മേളനത്തില്‍ ഡിസിസി ജനറല്‍ സെക്രട്ടറി ജി മുനിയാണ്ടി, ബ്ലോക്ക് പ്രസിഡന്റ് എസ് വിജയകുമാര്‍, വൈസ് പ്രസിഡന്റ് എ ആന്‍ഡ്രൂസ്, മണ്ഡലം പ്രസിഡന്റ് സി നെല്‍സണ്‍ എന്നിവര്‍ പങ്കെടുത്തു.
What's Your Reaction?
