ഇടുക്കി: ബൈസണ്‍വാലി നാല്‍പതേക്കറിന് സമീപം നിയന്ത്രണം നഷ്ടപ്പെട്ട കാര്‍ ക്രാഷ് ബാരിയറില്‍ ഇടിച്ചുണ്ടായ അപകടത്തില്‍ പരിക്കേറ്റ യുവാവ് ചികിത്സയിലിരിക്കെ മരിച്ചു. കാര്‍ ഓടിച്ചിരുന്ന മുല്ലക്കാനം പുത്തന്‍പുരയ്ക്കല്‍ ജസ്റ്റോ ജോസഫ് (27) ആണ് മരിച്ചത്. എറണാകുളത്തെ സ്വകാര്യ മെഡിക്കല്‍ കോളജില്‍ ചികിത്സയിലായിരുന്നു. തിങ്കളാഴ്ച വൈകുന്നേരം 6 നാണ് അപകടമുണ്ടായത്. നാല്‍പതേക്കറില്‍ നിന്ന് ജോസ്ഗിരി ഭാഗത്തേക്ക് വരികയായിരുന്ന കാര്‍ നിയന്ത്രണം നഷ്ടപ്പെട്ട് ക്രാഷ് ബാരിയറില്‍ ഇടിക്കുകയായിരുന്നു.  ജസ്റ്റോയ്‌ക്കൊപ്പം കാറില്‍ ഉണ്ടായിരുന്ന നവകുമാര്‍ (27), ജെറിന്‍ (20), പ്രശാന്ത് (44) എന്നിവര്‍ക്ക് നിസ്സാര പരിക്കേറ്റിരുന്നു.