ഇടുക്കി: കട്ടപ്പന ഇടശ്ശേരി ജംഗ്ഷനിൽ യുവാവിനെ വാഹനം ഇടിപ്പിച്ച് കൊലപ്പെടുത്താൻ ശ്രമം. ഞായർ രാത്രി 11 മണിയോടെയാണ് സംഭവം. കട്ടപ്പന കാരിയിൽ ക്രിസ്റ്റോ മാത്യുവിനെയാണ് കൊലപ്പെടുത്താൻ ശ്രമിച്ചത്. കട്ടപ്പന ഇടശ്ശേരി ജംഗ്ഷനിൽ വച്ച് ക്രിസ്റ്റോയുമായി ഒരു സംഘം യുവാക്കൾ വാക്കേറ്റം ഉണ്ടായി.ഇതേത്തുടർന്ന്  ഇടശ്ശേരി ജംഗ്ഷനിൽ നിന്ന് സെൻട്രൽ ജംഗ്ഷനിലേക്ക് പോകുമ്പോൾ പിന്നിൽ നിന്ന് കാറിൽ എത്തിയ സംഘം ക്രിസ്റ്റോയെ ഇടിച്ച് വീഴ്ത്തുകയായിരുന്നു . റോഡിൽ വീണ ക്രിസ്റ്റോയുടെ ശരീരത്ത് കൂടി കാർ കയറ്റിയിറക്കി. ക്രിസ്റ്റോയുടെ അഞ്ച് വാരിയെല്ലുകൾ ഒടിഞ്ഞു. ഗുരുതരമായി പരുക്കേറ്റ യുവാവിനെ രാജഗിരി ആശുപത്രിയിൽ പ്രവേശിപ്പിച്ചു. കട്ടപ്പന പൊലീസ് പ്രതികൾക്കായി അന്വേഷണം ആരംഭിച്ചു.