വൈഎംസിഎ സപ്തതി സന്ദേശ സമാധാന യാത്രയ്ക്ക് കട്ടപ്പനയില്‍ സ്വീകരണം
വൈഎംസിഎ സപ്തതി സന്ദേശ സമാധാന യാത്രയ്ക്ക് കട്ടപ്പനയില്‍ സ്വീകരണം
ഇടുക്കി: വൈഎംസിഎ കേരള റീജിയന്റെ സപ്തതിയോടനുബന്ധിച്ച് നടത്തുന്ന സപ്തതി സന്ദേശ സമാധാന യാത്രയ്ക്ക് കട്ടപ്പനയില്‍ സ്വീകരണം നല്‍കി. വൈഎംസിഎ ഹാളില്‍ നടന്ന പരിപാടി നഗരസഭാ ചെയര്‍പേഴ്‌സണ്‍ ബീന ടോമി ഉദ്ഘാടനം ചെയ്തു. 2024 ഒക്ടോബര്‍ 20ന് ആരംഭിച്ച യാത്ര നവംബര്‍ 4ന് സമാപിക്കും. ഇടുക്കിയിലെത്തിയ യാത്ര വൈഎംസിഎ റീജിയണല്‍ ചെയര്‍മാന്‍ ജോസ് നെറ്റിക്കാടന്‍ നേതൃത്വം നല്‍കി. വെള്ളയാംകുടിയില്‍ എത്തിയ യാത്രയെ വിവിധ വൈഎംസിഎയുടെ നേതൃത്വത്തില്‍ വാഹനജാഥയായി സ്വീകരിച്ചു.
തുടര്‍ന്ന് നടന്ന യോഗത്തില്‍ മുല്ലപ്പെരിയാറില്‍ പുതിയ ഡാം നിര്‍മിക്കുക വന്യജീവികളുടെ ആക്രമണങ്ങളില്‍ നിന്ന് ജനങ്ങളെ സംരക്ഷിക്കുക എന്നീ വിഷയങ്ങളില്‍ ഒപ്പുശേഖരണവും നടത്തി. പരിപാടിയില്‍ ഇടുക്കി സബ് റീജിയന്‍ ചെയര്‍മാന്‍ മാമന്‍ ഈശോ അധ്യക്ഷനായി. ജനറല്‍ കണ്‍വീനര്‍ സനു വര്‍ഗീസ്, സംസ്ഥാന വിദ്യാഭ്യാസ ബോര്‍ഡ് ചെയര്‍മാന്‍ ജോര്‍ജ് ജേക്കബ്, വൈഎംസിഎ എസ് ഡബ്ലിയു ഐആര്‍ ചെയര്‍മാന്‍ ജോസ് നെറ്റിക്കാടന്‍, മാര്‍ത്തോമാ ചര്‍ച്ച് വികാരി ജിതിന്‍ വര്‍ഗീസ്, നാഷണല്‍ എക്‌സിക്യൂട്ടീവ് വര്‍ഗീസ് അലക്‌സാണ്ടര്‍, എം വി ജോയ്, സെന്‍ട്രല്‍ സോണ്‍ ചെയര്‍മാന്‍ വര്‍ഗീസ് പള്ളിക്കര, സെന്‍ട്രല്‍ കണ്‍വീനര്‍ തോമസ് സ്‌കറിയ, പ്രസിഡന്റ് രജിറ്റ് ജോര്‍ജ്, സെക്രട്ടറി കെ ജെ ജോസഫ്, യുസി തോമസ്, ജാഥ കോര്‍ഡിനേറ്റര്‍ കുര്യന്‍ തുമ്പിങ്കല്‍ തുടങ്ങിയവര്‍ സംസാരിച്ചു.
What's Your Reaction?
