മധുവിനായി കൈകോര്‍ത്ത് ഹൈറേഞ്ച് ബസ് സൗഹൃദ സംഘം
മധുവിനായി കൈകോര്‍ത്ത് ഹൈറേഞ്ച് ബസ് സൗഹൃദ സംഘം
ഇടുക്കി: വൃക്ക മാറ്റിവയ്ക്കല്‍ ശസ്ത്രക്രിയയ്ക്ക് വിധേയനാകുന്ന ബസ് ഡ്രൈവര്‍
കെ. ചപ്പാത്ത് മരുതുംപേട്ട പുത്തന്‍വീട്ടില്‍ മധുവിനായി കൈകോര്‍ത്ത് ഹൈറേഞ്ച് ബസ് സൗഹൃദ സംഘം. എറണാകുളം മെഡിക്കല്‍ ട്രസ്റ്റ് ആശുപത്രിയില്‍ നവംബര്‍ 16നാണ് മധുവിന്റെ ശസ്ത്രക്രിയ. സാമ്പത്തിക പ്രതിസന്ധിയിലായ മധുവിന്റെ ഓപ്പറേഷനും തുടര്‍ ചികിത്സകള്‍ക്കും വേണ്ടിയാണ് കാരുണ്യസ്പര്‍ശം 2024 എന്ന പേരില്‍ ചികിത്സാ സഹായ നിധി സ്വരൂപിച്ചത്. ഇതിന്റെ ഭാഗമായി കഴിഞ്ഞ തിങ്കളാഴ്ച കട്ടപ്പനയിലെ നാല് സ്വകാര്യ ബസുകള്‍ കാരുണ്യ യാത്ര നടത്തിയിരുന്നു. ഇതിന്റെ തുടര്‍ച്ചയായിട്ടാണ് തിങ്കളാഴ്ച കട്ടപ്പന പുതിയ ബസ് സ്റ്റാന്‍ഡില്‍ ബസ് ജീവനക്കാരില്‍ നിന്നും യാത്രക്കാരില്‍ നിന്നും തുക സമാഹരിക്കുന്നത്. ഹൈറേഞ്ച് ബസ് സൗഹൃദ സംഘം പ്രസിഡന്റ് പ്രസാദ് വിലങ്ങുപാറ ഭാരവാഹികളായ ശ്രീകാന്ത് രവീന്ദ്രന്‍ , മോന്‍സി സി, അനീഷ് കെ.കെ , ബിജു പി . വി, പ്രമോദ് കുമാര്‍ വട്ടമല, ബന്നി കരുണാപുരം , മനു കൈമള്‍, അജിത്ത്‌മോന്‍ വി എസ്, ടോജോമോന്‍ റ്റോമി ,സുബിന്‍ സോമന്‍, മനു പി വിനോദ് തുടങ്ങിയവര്‍ നേതൃത്വം നല്‍കി.
What's Your Reaction?
