അടിമാലി പഞ്ചായത്തിലെ ടൗണ്‍ സൗന്ദര്യവല്‍ക്കരണ പദ്ധതി തുടര്‍ പരിപാലനമില്ലാതെ നശിക്കുന്നു
അടിമാലി പഞ്ചായത്തിലെ ടൗണ്‍ സൗന്ദര്യവല്‍ക്കരണ പദ്ധതി തുടര്‍ പരിപാലനമില്ലാതെ നശിക്കുന്നു
ഇടുക്കി: അടിമാലി പഞ്ചായത്ത് നടപ്പിലാക്കിയ ടൗണ്‍ സൗന്ദര്യവല്‍ക്കരണ പദ്ധതി തുടര്‍ പരിപാലനമില്ലാതെ നശിക്കുന്നു. രാത്രികാലത്ത് ടൗണിനെ പ്രകാശപൂരിതമാക്കാനും ടൗണിനെ കൂടുതല്‍ വൃത്തിയുള്ളതാക്കാനും ലക്ഷ്യമിട്ടായിരുന്നു പദ്ധതി നടപ്പിലാക്കിയത്. അഡ്വ. എ രാജ എംഎല്‍എ ഉദ്ഘാടനം നിര്‍വഹിച്ച പദ്ധതി തുടര്‍ പരിപാലനമില്ലാതായതോടെ പൂര്‍ണമായി നശിച്ചു. ടൗണിന്റെ വിവിധ ഇടങ്ങളില്‍ വഴി വിളക്കുകള്‍ സ്ഥാപിക്കുകയും വിളക്കുകള്‍ സ്ഥാപിക്കാന്‍ ഉപയോഗിച്ചിട്ടുള്ള തൂണുകളില്‍ അലങ്കാരച്ചെടികളും വെയിസ്റ്റ് ബോക്സും ഘടിപ്പിച്ചായിരുന്നു പദ്ധതി വിഭാവനം ചെയ്തത്. ടൗണിന്റെ വിവിധ ഭാഗങ്ങളില്‍ 84ഓളം വഴിവിളക്കുകളും അജൈവ മാലിന്യങ്ങള്‍ നിക്ഷേപിക്കുവാന്‍ വെയിസ്റ്റ് ബോക്സുകളുമാണ് സ്ഥാപിച്ചിട്ടുള്ളത്. സോളാര്‍ എനര്‍ജിയിലൂടെയാണ് ലൈറ്റുകളുടെ പ്രവര്‍ത്തനം. രാത്രികാലത്ത് വൈദ്യുതി തടസമുണ്ടായാലും ടൗണിനെ പ്രകാശപൂരിതമാക്കാന്‍ ഇത് സഹായിക്കും. പരിപാലനം ഇല്ലാതായതോടെ പൂച്ചെടികള്‍ പൂര്‍ണമായി നശിച്ചു. ലൈറ്റുകള്‍ അറ്റകുറ്റപ്പണി നടത്താത്തതിനാല്‍ നാശത്തിന്റെ വക്കിലാണ്. പദ്ധതിയുടെ തുടര്‍പരിപാലനം സാധ്യമാക്കണമെന്നാണ് ഉയരുന്ന ആവശ്യം.
What's Your Reaction?
