മണ്ഡലകാലം: കെഎസ്ആര്‍ടിസിയുടെ വരുമാനം 32.95 കോടി
മണ്ഡലകാലം: കെഎസ്ആര്‍ടിസിയുടെ വരുമാനം 32.95 കോടി
ഇടുക്കി: മണ്ഡല മകരവിളക്ക് ഉത്സവത്തോടനുബന്ധിച്ച് നടത്തിയ സര്‍വീസുകളിലൂടെ കെഎസ്ആര്‍ടിസിക്ക് ലഭിച്ചത് 32.95 കോടിയുടെ വരുമാനം. മണ്ഡലകാലം മുതല്‍ 35,000 ദീര്‍ഘദൂര സര്‍വീസുകളും പമ്പ- നിലയ്ക്കല്‍ റൂട്ടില്‍ ആകെ 1,43,468 ചെയിന്‍ സര്‍വീസുകളും നടത്തി. ആകെ 59.78 ലക്ഷം പേര്‍ യാത്ര ചെയ്തു. മകരജ്യോതി ദര്‍ശിച്ചുമടങ്ങിയ തീര്‍ഥാടകര്‍ക്കായി വൈകിട്ട് 7 മുതല്‍ പുലര്‍ച്ചെ 5.30 വരെ ഇടമുറിയാതെ പമ്പ- നിലയ്ക്കല്‍ റൂട്ടില്‍ ചെയിന്‍ സര്‍വീസുകള്‍ നടത്തി. കൂടാതെ ചെങ്ങന്നൂര്‍, കോട്ടയം, കുമളി, തിരുവനന്തപുരം, തൃശൂര്‍, തെങ്കാശി. ഗുരുവായൂര്‍ തുടങ്ങിയ സ്ഥലങ്ങളിലേക്ക് ദീര്‍ഘദൂര സര്‍വീസുകളും നടത്തി. നട അടയ്ക്കുന്ന 19ന് രാത്രി വരെ ചെയിന്‍ സര്‍വീസുകളും 20ന് രാവിലെ 8 വരെ ദീര്‍ഘദൂര സര്‍വീസുകളും ഉണ്ടാകുമെന്ന് കെഎസ്ആര്‍ടിസി പമ്പ സ്‌പെഷ്യല്‍ ഓഫീസര്‍ അറിയിച്ചു.
What's Your Reaction?
