ഇടുക്കി: മുള്ളരിക്കുടി ഗവ. എല്‍പി സ്‌കൂളിന്റെ രജത ജൂബിലി ആഘോഷവും വാര്‍ഷികവും 8ന് നടക്കും. മന്ത്രി റോഷി അഗസ്റ്റിന്‍ ഉദ്ഘാടനം ചെയ്യും. പൂര്‍വ അധ്യാപക വിദ്യാര്‍ഥി സംഗമം, അവതരണഗാന പ്രകാശനം, സുവനീയര്‍ പ്രകാശനം എന്നിവ നടക്കും. കലാപ്രതിഭ ഉള്‍പ്പെടെ വിവിധ പുരസ്‌ക്കാരങ്ങള്‍ വിതരണം ചെയ്യും. സ്‌കൂളിന്റെ ആദ്യകാല പ്രവര്‍ത്തകരെ ആദരിക്കും. ജില്ലാ പഞ്ചായത്ത് പ്രസിഡന്റ് രാരിച്ചന്‍ നീറണാക്കുന്നേല്‍ അധ്യക്ഷനാകും.അടിമാലി ബ്ലോക്ക് പഞ്ചായത്ത് പ്രസിഡന്റ് സോമന്‍ ചെല്ലപ്പന്‍, കൊന്നത്തടി പഞ്ചായത്ത് പ്രസിഡന്റ് രമ്യ റെനീഷ്, മറ്റ് ത്രിതല പഞ്ചായത്തംഗങ്ങള്‍, കവിയും മാധ്യമ പ്രവര്‍ത്തകനുമായ ആന്റണി മുനിയറ, ഉപജില്ലാ വിദ്യാഭ്യാസ ഓഫീസര്‍ ആനിയമ്മ ജോര്‍ജ് എന്നിവര്‍ പങ്കെടുക്കും. വാര്‍ത്താസമ്മേളനത്തില്‍ സ്‌കൂള്‍ ഹെഡ്മിസ്ട്രസ് ഷീല തോമസ്, പിടിഎ പ്രസിഡന്റ് വിനോജ് കെ എം എന്നിവര്‍ പങ്കെടുത്തു.