ഇടുക്കി: കല്യാണത്തണ്ട് വിനോദസഞ്ചാര കേന്ദ്രത്തില്‍ പൊലീസുകാരെ ആക്രമിച്ചുപരിക്കേല്‍പ്പിച്ച കേസിലെ ഒന്നാംപ്രതി അറസ്റ്റിലായി. എകെജി പടി പൂവത്തുംമൂട്ടില്‍ ഷിജിന്‍(24) ആണ് പിടിയിലായത്. ഇതോടെ അറസ്റ്റിലായവരുടെ എണ്ണം ആറായി. സംഘത്തില്‍പെട്ട എകെജി പടി പൂവത്തുംമൂട്ടില്‍ ശ്രീജിത്ത്(22), നിര്‍മലാസിറ്റി പുതുശേരിക്കുടിയില്‍ അജിത്ത്(29), വാഴവര വിരുപ്പില്‍ ബിനീഷ്(26), സഹോദരന്‍ വിഷ്ണു(27), വാഴവര പാറയ്ക്കല്‍ നന്ദു(27) എന്നിവരെ കഴിഞ്ഞദിവസം പിടികൂടിയിരുന്നു. ഷിജിന്റെ സഹോദരന്‍ ഷിബിന്‍(26) എന്നിവര്‍ പൊലീസ് നിരീക്ഷണത്തില്‍ ആശുപത്രിയില്‍ ചികിത്സയിലാണ്. കഴിഞ്ഞ 5ന് അര്‍ധരാത്രിയാണ് മദ്യലഹരിയില്‍ ഇവര്‍ പൊലീസുകാരെ ആക്രമിച്ചത്. കട്ടപ്പന സ്റ്റേഷനിലെ സിപിഒമാരായ രാഹുല്‍ മോഹന്‍ദാസ്, അല്‍ബാഷ്, ജിലൂബ്, ബിബിന്‍ എന്നിവര്‍ക്ക് പരിക്കേറ്റിരുന്നു.