പ്ലസ് ടു പരീക്ഷയില്‍ ഉന്നത വിജയം നേടിയ കൊമേഴ്‌സ് വിദ്യാര്‍ഥികള്‍ക്ക് അനുമോദനം
പ്ലസ് ടു പരീക്ഷയില്‍ ഉന്നത വിജയം നേടിയ കൊമേഴ്‌സ് വിദ്യാര്‍ഥികള്‍ക്ക് അനുമോദനം
ഇടുക്കി: അസോസിയേഷന്‍ ഓഫ് കൊമേഴ്‌സ് ടീച്ചേഴ്‌സ് ഇടുക്കി ജില്ലാ കമ്മിറ്റിയുടെ നേതൃത്വത്തില്‍ പ്ലസ് ടു പരീക്ഷയില്‍ എല്ലാ വിഷയങ്ങള്‍ക്കും ,അഞ്ചു വിഷയങ്ങള്‍ക്കും എ പ്ലസ് നേടിയ കൊമേഴ്‌സ് വിദ്യാര്‍ഥികള്‍ക്ക് അനുമോദനം നല്‍കി. കട്ടപ്പനയില്‍ നടന്ന മെറിററ്റ് ഡേ നഗരസഭ ചെയര്‍പേഴ്‌സണ്‍ ബീന ടോമി ഉദ്ഘാടനം ചെയ്തു. പ്ലസ് ടു പരീക്ഷയില്‍ 1200 മാര്‍ക്കില്‍ 1199 മാര്‍ക്ക് നേടി വിജയിച്ച ഉപ്പുതറ സെന്റ് ഫിലോമിനാസ് ഹൈസെക്കന്ററി സ്‌കൂളിലെ കൊമേഴ്‌സ് വിദ്യാര്‍ഥിനി അനുലക്ഷ്മി പി പ്രസന്നന്‍, വാഴത്തോപ്പ് സെന്റ് ജോര്‍ജ് എച്ച്എസ്എസിലെ ഫസ്‌ന ജാസ്മിന്‍ എന്നിവര്‍ക്ക് മൊമെന്റോ നല്‍കി അനുമോദിച്ചു. ആക്ട് ഇടുക്കി ജില്ലാ പ്രസിഡന്റ് ബിജു തങ്കപ്പന്‍ അധ്യക്ഷത വഹിച്ച യോഗത്തില്‍ ഓസാനം സ്‌കൂള്‍ പ്രിന്‍സിപ്പല്‍ ഫാ. മനോജ് മാത്യു, ഐകാംസ് അക്കാദമി ഡയറക്ടര്‍ അജേഷ് ഇ എസ് എന്നിവര്‍ സംസാരിച്ചു. ആക്ട് ഇടുക്കി ജില്ലാ ഭാരവാഹികളായ സജിന്‍സ് സ്‌കറിയ, മാര്‍ട്ടിന്‍ ജോസഫ്, ബിനോയ് ജോര്‍ജ്, മഞ്ജു വില്‍സണ്‍, നിഷ ആന്റണി, അജേഷ് കെ ടി, ജോണ്‍സന്‍ കോശി, എം രാജന്‍, സുനി പരമേശ്വരന്‍ തുടങ്ങിയവര്‍ പരിപാടികള്‍ക്ക് നേതൃത്വം നല്‍കി.
What's Your Reaction?
