കുമളി: കുമളിയിൽ പിക്കപ്പു ജീപ്പും കാറും തമ്മിൽ കൂട്ടി ഇടിച്ച് അഞ്ചു പേർക്ക് പരുക്ക്. ഗുരുതരമായി പരിക്കേറ്റ കുമളി സ്വദേശി ഷെറീഖിനെ പാലായിലെ സ്വകാര്യ ആശുപത്രിയിലേക്ക് മാറ്റി. കാറിൽ ഉണ്ടായിരുന്ന കുമളി സ്വദേശികളായ അനന്ദു, ഹരി, എന്നിവരും പിക്കപ്പിലുണ്ടായിരുന്ന കമ്പം സ്വദേശികളായ  മണിമുത്ത്, നന്ദകുമാർ എന്നിവർ കുമളിയിലെ സ്വകാര്യ ആശുപത്രിയിൽ ചികിത്സയിലാണ്.

: അപകടം രാത്രി പത്തിന്

ബുധനാഴ്ച രാത്രി 10 മണിയോടെയാണ് അപകടം നടന്നത്. കമ്പത്തു നിന്നും കൊല്ലത്തേക്ക് പഴങ്ങളുമായി  പോകുകയായിരുന്ന പിക്കപ്പ് ജീപ്പും കുമളിക്ക് വരികയായിരുന്ന ടാറ്റ ഹാരിയർ കാറുമാണ് കൂട്ടിയിടിച്ചത്. കുമളി ഹോളിഡേ ഹോമിനു സമീപമുള്ള റേഞ്ച് ഫോറസ്റ്റ് ഓഫീസിനു  മുൻപിലാണ് അപകടം നടന്നത്. വളവിൽ നിയന്ത്രണം നഷ്ടമായതാണ്  അപകട കാരണമെന്നാണ്  പ്രാഥമിക നിഗമനം. കുമളി പോലീസ് സ്ഥലത്തെത്തി മേൽ നടപടികൾ സ്വീകരിച്ചു.