ഇടുക്കി: മാലിന്യ പ്രശ്നം വ്യാപാരികളില്‍ അടിച്ചേല്‍ക്കുന്ന ഉത്തരവിനെതിരെ വ്യാപാരി വ്യവസായി ഏകോപന സമിതി കട്ടപ്പന യൂണിറ്റ് കടകള്‍ അടച്ചിട്ട് പ്രതിഷേധിച്ചു. നഗരസഭാ ഓഫീസ് പടിക്കല്‍ നടത്തിയ ധര്‍ണ ജില്ലാ വൈസ് പ്രസിഡന്റ് സിബി കൊല്ലംകുടി ഉദ്ഘാടനം ചെയ്തു. കട്ടപ്പന മര്‍ച്ചന്റ്സ് അസോസിയേഷന്‍ പ്രസിഡന്റ് അഡ്വ. എം.കെ. തോമസ് അധ്യക്ഷനായി. ജനറല്‍ സെക്രട്ടറി കെ.പി. ഹസ്സന്‍, യൂത്ത് വിംഗ് സംസ്ഥാന വൈസ് പ്രസിഡന്റ് സിജോമോന്‍ ജോസ്, ജില്ലാ സെക്രട്ടറി പി.കെ. മാണി, വനിതാ വിംഗ് സംസ്ഥാന സെക്രട്ടറി റോസമ്മ മൈക്കിള്‍ തുടങ്ങിയവര്‍ സംസാരിച്ചു. എല്ലാ കടകളിലും വേസ്റ്റ് ബിന്നുകള്‍ സ്ഥാപിച്ച് പൊതുജനങ്ങള്‍ കൂടി തള്ളുന്ന മാലിന്യം ഉള്‍പ്പെടെ തരംതിരിച്ച് ഫീസ് നല്‍കി തദ്ദേശ സ്വയംഭരണ സ്ഥാപനങ്ങള്‍ക്ക് നല്‍കണമെന്ന സര്‍ക്കാര്‍ ഉത്തരവിനെതിരെയാണ് പ്രതിഷേധം.