വള്ളക്കടവ് കരിമ്പാനിപ്പടി ചപ്പാത്ത് റോഡ് യാത്രയോഗ്യമാക്കണമെന്ന ആവശ്യം ശക്തം
വള്ളക്കടവ് കരിമ്പാനിപ്പടി ചപ്പാത്ത് റോഡ് യാത്രയോഗ്യമാക്കണമെന്ന ആവശ്യം ശക്തം
ഇടുക്കി: കട്ടപ്പന വള്ളക്കടവ് കരിമ്പാനിപ്പടി ചപ്പാത്ത് റോഡ് യാത്രയോഗ്യമാക്കാന്‍ നടപടിയില്ല. അടിമാലി- കുമിളി ദേശീയപാതയില്‍ വള്ളക്കടവ് ജംഗ്ഷന്‍ എത്താതെ എളുപ്പമാര്‍ഗ്ഗത്തില്‍ കട്ടപ്പനയില്‍ നിന്ന് ആനവിലാസം ഭാഗത്തേക്ക് പോകാന്‍ സാധിക്കുന്ന സമാന്തരപാതയാണ് കരിമ്പാനിപ്പടി ചപ്പാത്ത് റോഡ്. എന്നാല്‍ പത്തു വര്‍ഷത്തോളമായി റോഡ് തീര്‍ത്തും ശോച്യാവസ്ഥയിലാണ്. മന്ത്രി റോഷി അഗസ്റ്റിന്‍ ഉള്‍പ്പെടെയുള്ള ജനപ്രതിനിധികള്‍ ഫണ്ട് അനുവദിച്ചുവെങ്കിലും കരാറുകാര്‍ പദ്ധതി ഏറ്റെടുക്കാത്തതാണ് പ്രതിസന്ധിക്ക് കാരണം.
കട്ടപ്പന നഗരസഭയുടെ 23, 24 വാര്‍ഡുകളുടെ അതിര്‍ത്തി പങ്കിടുന്ന പാത കൂടിയാണിത്. നിരവധി കുടുംബങ്ങളും മേഖലയില്‍ താമസമുണ്ട്. എന്നാല്‍ പാതയില്‍ ഉടനീളം ഇപ്പോള്‍ വെള്ളക്കെട്ട് മാത്രമാണ് കാണാനാവുക. ഇതോടെ പ്രദേശവാസികളും ഈ പാതയെ ആശ്രയിക്കാതെ പ്രധാന വഴിയിലെത്തി കിലോമീറ്ററുകള്‍ ചുറ്റിയാണ് യാത്ര ചെയ്യുന്നത്. പാതയുടെ പ്രാധാന്യം മനസ്സിലാക്കി റോഡ് യാത്രായോഗ്യമാക്കാന്‍ അധികൃതര്‍ അടിയന്തര നടപടി കൈക്കൊള്ളണമെന്ന ആവശ്യമാണ് ശക്തമാകുന്നത്.
What's Your Reaction?
