ഇടുക്കി ഡീലേഴ്‌സ് സഹകരണ ബാങ്കിനെതിരെ നിക്ഷേപകരുടെ രാപ്പകല്‍ സമരം ആരംഭിച്ചു
ഇടുക്കി ഡീലേഴ്‌സ് സഹകരണ ബാങ്കിനെതിരെ നിക്ഷേപകരുടെ രാപ്പകല്‍ സമരം ആരംഭിച്ചു
ഇടുക്കി: ഇടുക്കി ഡീലേഴ്‌സ് സഹകരണ ബാങ്കിനെതിരെ നിക്ഷേപകര്‍ നടത്തുന്ന രാപ്പകല്‍ സമരം ആരംഭിച്ചു. തിങ്കളാഴ്ച രാവിലെ മുതല്‍ ബാങ്കിന്റെ നെടുങ്കണ്ടത്തെ പ്രധാന ശാഖയ്ക്ക് മുന്‍പിലാണ് സമരം ആരംഭിച്ചത്. കാലാവധി പൂര്‍ത്തിയായതും അല്ലാത്തതുമായ നിക്ഷേപങ്ങള്‍ തിരികെ നല്‍കാന്‍ ബാങ്ക് തയ്യാറാവാത്തതിനെ തുടര്‍ന്നാണ് സമരം. നെടുങ്കണ്ടത്തെ പ്രധാന ശാഖയ്ക്ക് പുറമെ കട്ടപ്പന, അടിമാലി, കുമളി ശാഖകളിലായി കോടികണക്കിന് രൂപ സാധരണക്കാര്‍ നിക്ഷേപിച്ചിട്ടുണ്ട്.
70 വയസിന് മുകളില്‍ പ്രായമായ വയോധികര്‍ക്ക് പോലും പണം തിരികെ നല്‍കാത്ത സാഹചര്യമാണ് നിലവിലുള്ളത്. കോണ്‍ഗ്രസ് ഭരിയ്ക്കുന്ന ബാങ്കില്‍ വന്‍ അഴിമതി നടന്നതായി സഹകരണ വകുപ്പ് കണ്ടെത്തിയിരുന്നു. മുന്‍ ഭരണി സമതി അംഗങ്ങളും ജീവനക്കാരും ചേര്‍ന്ന് മൂന്ന് കോടി 60 ലക്ഷത്തിലധികം രൂപയുടെ ക്രമക്കേടാണ് നടത്തിയത്. ഇതില്‍ വിജിലന്‍സ് കേസ് അന്വേഷണം നടക്കുന്നുണ്ട്. മുന്‍ കുമളി ശാഖാ മാനേജര്‍ ഒന്നേകാല്‍ കോടിയിലധികം രൂപ തിരിമറി നടത്തിയതായും കണ്ടെത്തിയിരുന്നു. ഈ സംഭവത്തില്‍ നിലവിലെ ഭരണ സമിതിയുടെ പരാതിയില്‍ പൊലിസ് കേസെടുത്തിട്ടുണ്ട്
What's Your Reaction?
