മലയാളികളുടെ ഇഷ്ടകേന്ദ്രമായി തമിഴ്‌നാട് അതിര്‍ത്തി ഗ്രാമങ്ങളിലെ മുന്തിരി തോപ്പുകള്‍
മലയാളികളുടെ ഇഷ്ടകേന്ദ്രമായി തമിഴ്‌നാട് അതിര്‍ത്തി ഗ്രാമങ്ങളിലെ മുന്തിരി തോപ്പുകള്‍
ഇടുക്കി: ഇടുക്കിയുടെ കാഴ്ചകള്‍ തേടിയെത്തുന്ന വിനോദസഞ്ചാരികളുടെ ഇഷ്ടകേന്ദ്രമായി മാറുകയാണ് തമിഴ്‌നാട് അതിര്‍ത്തി ഗ്രാമങ്ങളിലെ മുന്തിരി തോപ്പുകള്‍. അതിര്‍ത്തി പട്ടണമായ കമ്പത്തോട് ചേര്‍ന്ന് കിടക്കുന്ന ഗൂഡല്ലൂരും ചുരുളിപെട്ടിയും കെ കെ പെട്ടിയും തേവര്‍ പെട്ടിയുമൊക്കെ മുന്തിരി കൃഷിയ്ക്ക് പ്രസിദ്ധമാണ്‌. കിലോ മീറ്ററുകളോളം ദൂരത്തില്‍ പന്തല്‍ വിരിച്ച് നിര്‍ത്തിയിരിയ്ക്കുന്ന മുന്തിരി തോപ്പുകളുടെ കാഴ്ചയാണ് എങ്ങും. വര്‍ഷത്തില്‍ നാല് തവണയാണ് മുന്തിരിയുടെ വിളവെടുപ്പ്. ഒക്ടോബര്‍ മുതല്‍ ഡിസംബര്‍ വരെയാണ് പ്രധാന വിളവെടുപ്പ് കാലം. പ്രധാന സീസണില്‍ അല്ലാതെയും വര്‍ഷം മുഴുവന്‍ വിളവ് ലഭിക്കുന്ന രീതിയിലാണ് ഇവിടെ കൃഷി പരിപാലിക്കുന്നത് മുന്തിരി പാടങ്ങളുടെ കാഴ്ചകള്‍ തേടി കമ്പത്തെയ്ക്ക് എത്തുന്ന സഞ്ചാരികളില്‍ ഏറിയ പങ്കും മലയാളികള്‍ ആണ്. ഓണാവധി പിന്നിട്ടെങ്കിലും ഇപ്പോഴും മലയാളികള്‍ ധാരാളമായി എത്തുന്നുണ്ട്. വിളവെടുപ്പ് കാലമായതിനാല്‍ അവധി ദിവസങ്ങളില്‍ തിരക്ക് വര്‍ധിക്കും. മുന്തിരിതോപ്പുകളുടെ കാഴ്ച ആസ്വദിയ്ക്കുന്നതിനൊപ്പം, മുന്തിരി വാങ്ങുന്നതിനും തോട്ടങ്ങളില്‍ അവസരം ഒരുക്കിയിട്ടുണ്ട്.
What's Your Reaction?
