കേരള യൂത്ത് ഫ്രണ്ട് (എം) ഇടുക്കി മേഖല സമ്മേളനം തൊടുപുഴയില്‍
കേരള യൂത്ത് ഫ്രണ്ട് (എം) ഇടുക്കി മേഖല സമ്മേളനം തൊടുപുഴയില്‍
ഇടുക്കി: കേരള യൂത്ത് ഫ്രണ്ട് (എം) ഇടുക്കി മേഖല സമ്മേളനം തൊടുപുഴയില്‍ നടന്നു. കേരള കോണ്‍ഗ്രസ് (എം) സംസ്ഥാന സെക്രട്ടറി അഡ്വ. അലക്‌സ് കോഴിമല ഉദ്ഘാടനം ചെയ്തു. രാജ്യത്തെ സ്വകാര്യ തൊഴില്‍ മേഖലകളില്‍ ജോലി ചെയ്യുന്നവരുടെ സുരക്ഷിതത്വം ഉറപ്പുവരുത്തുന്നതിന് ജോലിസമയം ക്രമീകരിക്കുന്നതിനും, മേല്‍ ഉദ്യോഗസ്ഥരുടെ ശകാരവര്‍ഷം നിയന്ത്രിക്കുന്നതിനും നിയമ ഭേദഗതി കൊണ്ടുവരാന്‍ കേന്ദ്രസര്‍ക്കാര്‍ തയ്യാറാകണമെന്ന് അലക്‌സ് കോഴിമല പറഞ്ഞു. പൂനൈ ഇവൈ ഇന്ത്യ കമ്പനി ജീവനക്കാരി അന്ന അമിത ജോലി ഭാരം നിമിത്തം മരണമടഞ്ഞത് തൊഴില്‍ മേഖലയിലെ ചൂഷണത്തിന്റെ ഭാഗമാണെന്നും, സ്വകാര്യമേഖലയില്‍ യുവജനങ്ങള്‍ 12 മുതല്‍ 16 മണിക്കൂറുകള്‍ വരെ തുച്ഛമായ വേദനത്തില്‍ ജോലി ചെയ്യേണ്ടി വരുന്നത് കടുത്ത മാനസിക സമ്മര്‍ദ്ദത്തിലേയ്ക്ക് എത്തിക്കുമെന്നും അദ്ദേഹം പറഞ്ഞു. ഇനിയും ഇത്തരം സംഭവങ്ങള്‍ ആവര്‍ത്തിക്കപ്പെടില്ല എന്ന് ഉറപ്പുവരുത്തുവാന്‍ ഈ വൈ ഇന്ത്യ കമ്പനിക്ക് എതിരെ നടപടി സ്വീകരിക്കണമെന്നും പൊതു സ്വകാര്യ മേഖലകളിലെ തൊഴിലിടങ്ങള്‍ പരിശോധിക്കുവാന്‍ അന്വേഷണ കമ്മീഷനെ നിയോഗിക്കണമെന്നും അലക്‌സ് കോഴിമല ആവശ്യപ്പെട്ടു. യൂത്ത് ഫ്രണ്ട് (എം) ഇടുക്കി ജില്ലാ പ്രസിഡന്റ് ജോമോന്‍ പൊടിപാറ അധ്യക്ഷനായി. യൂത്ത് ഫ്രണ്ട് (എം) സംസ്ഥാന പ്രസിഡന്റ് സിറിയക് ചാഴിക്കാടന്‍ മുഖ്യപ്രഭാഷണം നടത്തി. കേരള കോണ്‍ഗ്രസ് (എം ) തൊടുപുഴ നിയോജകമണ്ഡലം പ്രസിഡന്റ് ജിമ്മി മാറ്റത്തിപ്പാറ, സാജന്‍ തൊടുക, ഷേക്ക് അബ്ദുള്ള, വിപിന്‍ സി അഗസ്റ്റിന്‍, ജെഫിന്‍ കൊടുവേലില്‍, ആല്‍ബിന്‍ വറപോളക്കല്‍, ജോമറ്റ് ഇളംതുരുത്തില്‍, ജോമി കുന്നപ്പിള്ളില്‍, സാജന്‍ കൊച്ചുപറമ്പില്‍, ആന്റോ ഓലിക്കരോട്ട്, റോയിസണ്‍ കുഴിഞ്ഞാലില്‍, അനീഷ് മങ്ങാരത്ത്, അനില്‍ ആന്റണി , അഡ്വ മധു നമ്പുതിരി, അംബിക ഗോപാലകൃഷ്ണന്‍ തുടങ്ങിയവര്‍ സംസാരിച്ചു.
What's Your Reaction?
