സംസ്ഥാന അമച്വര്‍ തായ്ക്കൊണ്ടോ ചാമ്പ്യന്‍ഷിപ്പില്‍ സ്വര്‍ണം നേടിയ ദേവപ്രിയന് അനുമോദനം
സംസ്ഥാന അമച്വര്‍ തായ്ക്കൊണ്ടോ ചാമ്പ്യന്‍ഷിപ്പില്‍ സ്വര്‍ണം നേടിയ ദേവപ്രിയന് അനുമോദനം
ഇടുക്കി: കാസര്‍ഗോഡ് നടന്ന സംസ്ഥാന അമച്വര്‍ തായ്ക്കൊണ്ടോ ചാമ്പ്യന്‍ഷിപ്പില്‍ സബ്ജൂനിയര്‍ വിഭാഗത്തില്‍ സ്വര്‍ണം നേടിയ ദേവപ്രിയന് സിജുവിനെയും പരിശീലകന്‍ രാജേഷ് ടി ആറിനെയും യൂത്ത് കോണ്‍ഗ്രസ് അടിമാലി മണ്ഡലം കമ്മിറ്റിയുടെ നേതൃത്വത്തില്‍ അനുമോദിച്ചു. ജില്ലാ പഞ്ചായത്തംഗം സോളി ജീസസ് പരിപാടി ഉദ്ഘാടനം ചെയ്തു. യൂത്ത് കോണ്‍ഗ്രസ് മണ്ഡലം പ്രസിഡന്റ് അലന്‍ നിധിന്‍ സ്റ്റീഫന്‍ അധ്യക്ഷനായി. ഡിസിസി അംഗം പോള്‍ മാത്യു മുഖ്യപ്രഭാഷണം നടത്തി. അടിമാലി ഗവ. ഹൈസ്‌കൂളിലെ ആറാം ക്ലാസ് വിദ്യാര്‍ഥിയായ് ദേവപ്രിയന് മച്ചിപ്ലാവ് റൗണ്ട് ടു അക്കാദമിയിലാണ് പരിശീലനം നടത്തുന്നത്. യൂത്ത് കോണ്‍ഗ്രസ് സംസ്ഥാന സെക്രട്ടറി ഷിന്‍സ് ഏലിയാസ്, കോണ്‍ഗ്രസ് മണ്ഡലം പ്രസിഡന്റ് ഹാപ്പി കെ വര്‍ഗീസ്, വാര്‍ഡ് പ്രസിഡന്റ് ഏലിയാസ് തേലക്കാട്ട് തുടങ്ങിയവര്‍ സംസാരിച്ചു. നേതാക്കന്മാരായ ജോവിസ് വെളിയത്ത്, പി വി ജോര്‍ജുകുട്ടി, ടി എസ് ഏലിയാസ്, എം പി വര്‍ഗീസ് തുടങ്ങിയവര്‍ നേതൃത്വം നല്‍കി. നവംബര്‍ 25ന് ഹരിയാനയില്‍ വച്ച് നടക്കുന്ന നാഷ്ണല്‍ തായ്ക്കൊണ്ടോ മീറ്റില്‍ കേരളത്തെ പ്രതിനിധീകരിച്ച് മത്സരിക്കാനൊരുങ്ങുകയാണ് ദേവപ്രിയന്.
What's Your Reaction?
