ഇടുക്കി: ഏലക്കാ വിലയിലെ കുതിപ്പ് തുടരുന്നു. സ്പൈസസ് ബോര്‍ഡിന്റെ ഇ- ലേലത്തില്‍ ശരാശരി വില 3000 രൂപയുടെ അടുത്തെത്തി. ഏതാനും ആഴ്ചകള്‍ക്കിടെ വിലയില്‍ 500 രൂപയുടെ വര്‍ധന. വിലയിലെ മുന്നേറ്റം കമ്പോളങ്ങളെയും സജീവമാക്കുന്നു. തിങ്കളാഴ്ച രാവിലെ നടന്ന കൊകൊ സ്‌പൈസസ് പ്രൈവറ്റ് ലിമിറ്റഡ് ഏജന്‍സിയുടെ ഇ ലേലത്തില്‍ ശരാശര വില 2935.4 രൂപയാണ്. ഉയര്‍ന്നവില 3319 രൂപ. 70 ലോട്ടുകളിലായി എത്തിയ 16,020 കിലോ ഏലക്കയില്‍ 15601 കിലോയും വിറ്റുപോയി. ഏപ്രില്‍ അവസാനത്തോടെയാണ് വില 2000 കടന്നത്. പിന്നീട് ഇടിവുണ്ടായിട്ടില്ല. വരള്‍ച്ചയെ തുടര്‍ന്നുണ്ടായ വന്‍കൃഷിനാശം ജില്ലയിലെ ഏലക്ക ഉല്‍പാദനം ഗണ്യമായി കുറച്ചു. പച്ചഏലക്കാവിലയും 550 രൂപയിലെത്തിയിട്ടുണ്ട്.