സിപിഐ എം കട്ടപ്പന ഏരിയ സമ്മേളനം: പതാക ജാഥ നടത്തി
സിപിഐ എം കട്ടപ്പന ഏരിയ സമ്മേളനം: പതാക ജാഥ നടത്തി
ഇടുക്കി: സിപിഐ എം കട്ടപ്പന ഏരിയ സമ്മേളനം വെള്ളി, ശനി ദിവസങ്ങളിൽ സീതാറാം യെച്ചൂരി നഗറിൽ(കട്ടപ്പന സിഎസ്ഐ ഗാർഡൻ) നടക്കും.
സമ്മേളനത്തിനുമുന്നോടിയായി പി ബി ഷാജി ക്യാപ്റ്റനും ജോയി ജോർജ് വൈസ് ക്യാപ്റ്റനുമായ പതാക ജാഥ ഇരട്ടയാറിൽ നിന്നാരംഭിച്ച് കട്ടപ്പനയിൽ സമാപിച്ചു. രക്തസാക്ഷി കെ കെ വിനോദിന്റെ അമ്മ വള്ളിയമ്മ പതാക കൈമാറി. സ്വാഗതസംഘം ചെയർമാൻ മാത്യു ജോർജ് ഉദ്ഘാടനം ചെയ്തു. ഇരുചക്ര വാഹനങ്ങളുടെ അകമ്പടിയോടെ കട്ടപ്പന ഹിൽടൗൺ ജങ്ഷനിലെത്തിയ ജാഥ, പ്രകടനമായി പ്രതിനിധി സമ്മേളന നഗറിൽ എത്തിച്ചേർന്നപ്പോൾ ഏരിയ സെക്രട്ടറി വി ആർ സജി പതാക ഉയർത്തി.
What's Your Reaction?
