നഗരസഭയിലെ ജൈവമാലിന്യ നീക്കം: പിഎഫ്എ നിവേദനം നല്‍കി
നഗരസഭയിലെ ജൈവമാലിന്യ നീക്കം: പിഎഫ്എ നിവേദനം നല്‍കി
ഇടുക്കി: കട്ടപ്പന നഗരസഭ സ്വകാര്യ ഏജന്‍സികള്‍ക്ക് മാലിന്യ സംസ്‌കരണത്തിനുള്ള അനുമതി കൊടുത്ത നടപടിയില്‍ പ്രതിഷേധിച്ച് പി എഫ് എ ചെയര്‍പേഴ്‌സണ്‍ ബീന ടോമിക്ക് നിവേദനം നല്‍കി. സ്ഥാപനങ്ങളില്‍ നിന്നും വീടുകളില്‍ നിന്നും സ്വകാര്യ ഏജന്‍സി പണം ഈടാക്കി മാലിന്യം ശേഖരിക്കുന്നത് വഴി, പന്നി കര്‍ഷകരുടെ ഉപജീവനം മാര്‍ഗം പ്രതിസന്ധിയിലാകുന്നുവെന്ന് കാണിച്ചാണ് നിവേദനം നല്‍കിയത്. ഹോട്ടല്‍, സ്‌കൂളുകള്‍, ആരാധനാലയങ്ങള്‍, ഓഡിറ്റോറിയങ്ങള്‍ പഴം പച്ചക്കറി മാര്‍ക്കറ്റുകള്‍ തുടങ്ങിയവയില്‍ ബാക്കി വരുന്ന ഭക്ഷണം ശേഖരിച്ചാണ് ഇവര്‍ ഫാമില്‍ പന്നികള്‍ക്ക് തീറ്റ നല്‍കുന്നത്. എന്നാല്‍ നിലവിലെ സാഹചര്യത്തില്‍ ഫാമിലേക്ക് ആവശ്യമായ തീറ്റ ലഭിക്കാത്ത അവസ്ഥയാണുള്ളത്. പകര്‍ച്ചവ്യാധികള്‍ മൂലവും അശാസ്ത്രീയമായ ലൈസന്‍സിങ് മൂലവും കേരളത്തിലെ ജനസാന്ദ്രതയുമെല്ലാം ഈ തൊഴിലിനെ ബാധിക്കുന്നു. അതിനിടെ സൗജന്യമായി ലഭിച്ചുകൊണ്ടിരിക്കുന്ന തീറ്റ കൂടി നഷ്ടപ്പെട്ടാല്‍ കൂടുതല്‍ പ്രതിസന്ധിയില്‍ ആകും. കട്ടപ്പന നഗരസഭ അമല ഇക്കോ ക്ലിന്‍ പ്രൈവറ്റ് ലിമിറ്റഡ് എന്ന കമ്പനിക്കാണ് മാലിന്യ സംസ്‌കരണത്തിന് അനുമതി കൊടുത്തിരിക്കുകയാണ്. ഹോട്ടലില്‍ നിന്ന് മിച്ച ഭക്ഷണം എടുത്ത് പന്നി കൃഷി നടത്തി ജീവിക്കുന്ന പന്നി കൃഷിക്കാരുടെ ഉപജീവന മാര്‍ഗം അടയുകയാണ് നഗരസഭയുടെ ഈ തീരുമാനമെന്ന് പിഗ് ഫാര്‍മേഴ്‌സ് അസോസിയേഷന്‍ ജില്ലാ കമ്മിറ്റി ആരോപിച്ചു.തങ്ങള്‍ ശേഖരിച്ചുകൊണ്ടിരുന്ന മിച്ചഭക്ഷണം തട്ടാന്‍ ഉള്ള സ്വകാര്യ ഏജന്‍സികളുടെ നീക്കത്തിനെതിരെ അസോസിയേഷന്‍ മുഖ്യമന്ത്രിക്ക് മുമ്പ് പരാതി നല്‍കിയിരുന്നു. അതില്‍ പ്രകാരം പന്നി കൃഷിക്കാരുടെ തീറ്റ ഉറപ്പാക്കണം എന്ന് നിര്‍ദേശവും ലഭിച്ചിരുന്നു. എന്നാല്‍ അതിനുവിപരീതമായ നടപടിയാണ് കട്ടപ്പന നഗരസഭയില്‍ നിന്നുണ്ടാകുന്നത് . ഈ സാഹചര്യത്തിലാണ് പന്നി കൃഷിക്കാര്‍ എടുത്ത് കൊണ്ടിരിക്കുന്ന തീറ്റ തങ്ങള്‍ക്ക് തന്നെ കിട്ടാന്‍ ആവശ്യമായ നടപടി സ്വീകരിക്കണമെന്ന് ആവശ്യപ്പെട്ട് അസോസിയേഷന്‍ നിവേദനം നല്‍കിയത് .
What's Your Reaction?
